Waewoyelo

◼ Ngɔndɔ ka Hende: Approchez-vous de Jéhovah. Naka nyu bu la dibuku sɔ, kete nyu mbeyaka kamba la dibuku Création kana dibuku Révélation: dénouement oko okanda okina wakoka kahanyema. Ngɔndɔ ka Sato: Ewo Katɔla otsha lo Lɔsɛnɔ la Pondjo. Welo wa lânde wayodjama dia tatɛ mbeka l’anto Bible. Naka vɔ wamboshilaka kondja dibuku sɔ, kete nyu mbeyaka mbasha dibuku He Dja Yimba lo Prɔfɛsiya ka Danyɛlɛ!

◼ Omendji walɔmbɔla kana onto ɔmɔtshi layondɔsɔna la dia mbɛdika falanga y’etshumanelo lo Ngɔndɔ ka Sato 1 kana yema l’ɔkɔngɔ kam’atanema etena. Kam’ayotshama wɛdikelo ɔsɔ, ko nyu mbewoya etshumanelo l’ɔkɔngɔ wa mbadia alapɔlɔ wa falanga wa mbala ketshi. Nyadia mukanda wa eokelo ka losaka w’oma le Société wendana la weshasha wakatome etshumanelo dikambo di’olimu wakambema l’andja w’otondo kana dia falanga kina tshɛ yatondja ɔlɔngɔswamelo.

◼ Sekeletɛlɛ nde l’omendji w’olimu la dia menda okambelo w’olimu waki ambatshi mboka wa pondjo tshɛ. Naka amɔtshi wekɔ l’okakatanu wa kotsha lofulo la wenya walɔmbama, kete dikumanyi pombaka ndjalɔngɔsɔla dia mbakimanyiya. Dia tana alako lo dikambo sɔ, nyovusole awui wele lo mukanda wa S-201 watomama ɔnɔnyi tshɛ.

◼ Sawo dia lo sɛkɛ dia lânde dia lo 2004 diakalɔngɔswama dia salema lo nshi ya Eohwelo diayonga l’ɔtɛ a dui ɔnɛ: “Tônge la Dihonga ndo Toyaɛkɛ le Jehowa.” Enda waewoyelo akina l’Olimu Aso wa Diolelo wa Ngɔndɔ ka Divwa 2003.

◼ Omendji walɔmbɔla pombaka nɔngɔsɔla dia dikumanyi vusola l’onto lɛnya nsaki ka nongola batismu wembola wele lo dibuku Organisés pour bien remplir notre ministère. Bu ohomba kongɛ paka etena kashawɔ diewoyelo dikambo dia losanganya dia ndjotatɛ la vusola l’onto wembola. Halɔmbama dia paka onto lalanga batizama mbifɛ dibuku ko mbishaka ekadimwelo l’ɔtɛ. Lo kamba kânga la dibuku, nde mbeyaka la mbisha ekadimwelo l’ɛtɛkɛta ande hita. Oyango waki dikumanyi ele monga la kanyi y’ewo kande ka wetshelo w’oma lo Bible.​—⁠Enda Ekadimwelo lo Wembola Anyu wele l’Olimu Aso wa Diolelo wa Ngɔndɔ ka Samalo 1987 ndo Ngɔndɔ ka Dikumi l’Ahende.