Waewoyelo
◼ Ngɔndɔ k’Enanɛi: Tayosha anto tobukubuku tshɛ tele la ndjɛkɛ 32 l’atei wa tɔnɛ tayela: Diulelu ne diayela Paradisu; Doit-on croire à la Trinité ?; ‘Enda! Dimi Leetɛ Diangɔ Tshɛ Eyoyo’; Etena Kavɔ Onto Ɔmɔtshi Lalangayɛ; Le nom divin qui demeure à jamais ; Ngande Wayalaso Lam’avɔso?; Nyudjase pundju l’ongenongeno la kete!; Onde Nzambi tokaneka mete ondo?; ndo Quel est le but de la vie ? Comment le découvrir ? Ngɔndɔ ka Divwa: Ewo Katɔla Otsha lo Lɔsɛnɔ la Pondjo. Ngɔndɔ ka Dikumi: Tshoto y’Etangelo ndo Réveillez-vous!
◼ Omendji-walɔmbɔla kana onto ɔmɔtshi layondɔsɔna pombaka mbɛdika kɔntɛ k’etshumanelo lo Ngɔndɔ ka Divwa 1 kana yema l’ɔkɔngɔ kam’atanema etena. Kam’ayonyotsha wɛdikelo ɔsɔ ko nyu mbewoya etshumanelo l’ɔkɔngɔ wa mbadia alapɔlɔ wa kɔntɛ wa mbala ketshi.
◼ Tshumanelo pombaka tatɛ nɔmba Calendrier des Témoins de Jéhovah 2005, Tɔsɛdingolake Afundelo Lushi la Lushi 2005, ndo Annuaire des Témoins de Jéhovah 2005 lo kɔmandɛ kawɔ k’ekanda ka mbala kayaye.
◼ Evatɛrɛ wasalema ɔnɔnyi tshɛ wendana l’ekanda ndo la periodikɛ tshɛ yatanema lo lɔkɔtɔ l’etshumanelo pombaka salema oya l’ekomelo ka Ngɔndɔ k’Enanɛi 31, 2004. Evatɛrɛ ɔsɔ wayosalema oko wɔnɛ watosalaka omendji w’ekanda ngɔndɔ tshɛ, oma lâsɔ ko funda lofulo tshɛ layotanema lo fɔrmilɛrɛ Stock des publications (S-18-F). Dia mbeya lofulo la periodikɛ tshɛ yele lo lɔkɔtɔ, pombaka mumbola ekambi w’olimu wendana la dikambo sɔ. Sekeletɛlɛ ka l’etshumanelo kalɔmbɔla mbahomba nɔmbɔla evatɛrɛ ɔnɛ w’ekanda. Nde la omendji-walɔmbɔla wa l’etshumanelo kakɔ mbayosinya lo fɔrmilɛrɛ kakɔ. Etshumanelo tshɛ kalɔmbɔla ayolongola fɔrmilɛrɛ shato ya stock des publications (S-18-F). Lam’alanganyu, nyotome Société ɔrijinalɛ wa fɔrmilɛrɛ kɛnɛ la ntondo ka Ngɔndɔ ka Divwa 6. Kanyombe kɔpi ka hende lo eombelo kanyu. Ndo nyu mbeyaka kambaka la kɔpi ka sato.
◼ Naka kalasa k’ambatshi mboka kayohomba salema l’otshimbedi anyu, kete tɔ pombaka salema l’ɔkɔngɔ wa losanganya la distrikɛ 2004, lam’asa lomingu la Ngɔndɔ k’Enanɛi 9, 2004 ndo lomingu la Ngɔndɔ ka Divwa 13, 2004 lo ndjela datɛ dia losanganya lanyu. Mbala efula, sho nɔngɔsɔlaka dia Kalasa k’Ambatshi Mboka salema lo ngelo kasalema losanganya dia kimanyiya ambatshi mboka wambokamba ndekana ɔnɔnyi ɔtɔi ndo wanɛ wele watɔtɔka lo Kalasa k’Ambatshi Mboka dia vɔ mbɔtɔ lo kalasa kɛsɔ. Biro ka filialɛ ayɔsa yɛdikɔ lo dikambo sɔ lo kamba kâmɛ l’emendji w’etshimbedi l’ekimanyielo k’awui wakawatomɛ elui wa dikumanyi ndo emendji w’etshimbedi.