Mukanda w’oma le filialɛ

Apandjudi Aso wa Ngandji wa Diolelo:

Kakianɛ, wamboshidiya ndo wambotatɛ kamba la mvudu kina ya weke yambowokotsha la Wallkill dikambo di’ofundelo w’ekanda. Mashinyi ehende w’eyoyo wele ɔmɔmɔ a l’atei awɔ ekɔ l’akoka wa tondja periodikɛ 90000 lo minitɛ ɔtɔi wamboshila la kongɛma ndo wekɔ l’akoka wa tondja abuku 120 wele la mposo ya keka lo minitɛ ɔtɔi. Woho wambowɔtɔla ɛprimɛri la Wallkill akakimanyiya dia sondja luudu la lo 360 Furman Street la Brooklyn. Kakianɛ anangɛso wekɔ lo ndjasha efula dia nyomɔlɔngɔsɔla luudu la lo 117 Adams Street dia adepartɛma waki lo luudu la lo 360 Furman Street monga lɔkɔ.

Ɔsɛkwɛlɔ w’ɛprimɛri la Wallkill akalɔmbɛ di’anangɛso ndo akadiyɛso 300 mimɔ oma la Brooklyn ko tshɔ tokambaka la Wallkill. Ndo nto, anto 100 wakayakimɔ la lolango wendana l’awui wa ɔrdinatɛrɛ wa lo filialɛ ka la Wallkill wakamɔ ko tshɔ dia tokambaka la Brooklyn, nɛ dia kakianɛ lɛkɔ mbosalema elimu wa weke wendana la Departɛma di’Awui w’Ɔrdinatɛrɛ.

Lo filialɛ ka lo Congo tamboshidiya kalasa ka ntondo k’emendji w’etshimbedi kaki l’ambeki 30 lo Ngɔndɔ ka Samalo. Kalasa tshanu mbayosalema lo filialɛ kaso. Emendji aso weteta wayolongola wetshelo wayonga la wahɔ le tshumanelo tshɛ.

Kâmɛ la nyu, tekɔ lo mendɛ otsha la ntondo dia ‘monga l’akambo efula wa ntsha l’olimu wa Nkumadiɔndjɔ’ oko wambotatɛ ɔnɔnyi w’olimu 2005.​—⁠1 Kor. 15:⁠58.

Anangɛnyu,

Biro ka Filialɛ ka Congo