Waewoyelo

◼ Abuku wayotosha anto Ngɔndɔ ka Dikumi 1-17: Tshoto y’Etangelo la Réveillez-vous ! Naka anto wambɛnya nsaki, shawɔ biukubuku Katɔlɔmba ndo dja welo wa lânde dia tatɛ mbeka la wɔ Bible lawakawɔ. Ngɔndɔ ka Dikumi 18–Ngɔndɔ ka Dikumi l’Ɔtɔi 14: Okahanyelo wa lânde wa biukubuku Nyotetemale Sungukala! Ngɔndɔ ka Dikumi l’Ɔtɔi 15-30: Tayosha anto dibuku Etshama Oma le Ombetsha a Woke. Naka anto wambota dia vɔ kema l’ana, kete nyowasha biukubuku Katɔlɔmba. Lam’akambanyu la biukubuku shɔ, nyosale la wolo dia tatɛ mbeka l’anto Bible lawakawɔ.

◼ Dikatshi di’okotsha di’Olimu Aso wa Diolelo ɔnɛ diekɔ la “Ekongelo ka Kalasa k’Olimu wa Teokrasi ka 2005,” lâsɔ pombaka diomba dimɛna woho wa diendaka ɔnɔnyi 2005 w’otondo.

◼ Paka etshumanelo kalɔmbɔla ka lo Mbalasa ya Diolelo tshɛ, mbayolodiaka Demande de publications (S-14). Omendji w’ekanda pombaka mbidja kɔmandɛ ya tshumanelo tshɛ lam’alodjande Demande de publications. (Vusola awui wa lo mukanda wa Ngɔndɔ k’Esambele 1, 1999, wele l’ɔtɛ a dui ɔnɛ: Woho wa Munandaka Ekanda wa lo Lɔkɔtɔ lo Mbalasa ka Diolelo). Nde pombaka kɛnɛmɔla dionga diele lo Filipi 2:​4, lo monga aha la shɔnɔdi lam’asɛdingolande adɛmandɛ wa ngasɔ. Tshumanelo diayela ekongelo k’etshumanelo kalɔmbɔla hadiokoke sala adɛmandɛ awɔ w’ekanda lo vɔamɛ, mbut’ate aha la mbeta lo tshimbo y’etshumanelo kɛsɔ. Omendji w’ekanda pombaka monga la listɛ l’apandjudi wakasale adɛmandɛ w’ekanda walɔmbama paka lo yoho ya lânde. Kɛsɔ ayowokimanyiya dia ndjashikikɛ di’onto tshɛ akalongola okanda wakandalɔmbɛ. Ɔnɛ lalɔmba ekanda ɛsɔ pombaka talɔngɔsɔdi woshasha ande wa la lolango la ntondo dikambo di’ekanda ɛsɔ w’oshinga wolo.

◼ Réveillez-vous! wa Ngɔndɔ ka Dikumi 22 (lo Falase) wayonga la sawo diele l’ɔtɛ a dui ɔnɛ: “Kakɔna Kahomba Ambutshi Sala lo Ɛnɔnyi w’Etatelo w’Ɔna?” Lo menda ohomba wa wombola ɔsɔ, etshumanelo tshɛ ayolongola lofulo la lâdiko la pursa 10 ya numero kɛnɛ.