Waewoyelo
◼ Ngɔndɔ ka Dikumi l’Ahende: Onto Loleki Woke lo Tena Tshɛ. Ngɔndɔ ka Ntondo: Mboka k’Otsha lo Lɔsɛnɔ la Pondjo—Onde Wɛ Ambokitana? Ngɔndɔ ka Hende: Approchez-vous de Jéhovah. Ngɔndɔ ka Sato: Nyotetemale Sungukala!
◼ Sawo diele l’ɔtɛ a dui ɔnɛ: “Oka Dɔkɔtɛlɛ Diayɛ” dia lo Réveillez-vous! wa Ngɔndɔ ka Ntondo 22, diekɔ l’oyango wa kimanyiya anto dia vɔ ndeka monga la eokelo k’ɔlɔlɔ otsha le engana wâsakɛ. Aha la tâmu adɔkɔlɛ vɔamɛ wayɔngɛnangɛna sawo sɔ, nɛ dia diɔ mɛnyaka bonde kele enganga ɛmɔtshi wakakotwama la losango la lo Bible lasha elongamelo. Wɛ kokaka mɛna ɔlɔlɔ nɔmba kɔpi kina ndo sala la wolo dia mbisha dɔkɔtɛlɛ diayɛ kana aseka enganga akina kɔpi mɔtshi. Tshumanelo pombaka mbewoya biro ka filialɛ naka wambolanga mbidiya kɔmandɛ kendana la numɛlɔ kɛnɛ.
◼ Bɛtɛlɛ ka lo Limete la Kinshasa, kayodihama lo nshi ya Samalo yayela nyɛ: Ngɔndɔ ka Dikumi l’Ahende 4, 2004 ndo Ngɔndɔ ka Tanu 7, 2005 (wayosola mvudu ya Bɛtɛlɛ k’otondo). Lâsɔ ndoko yɛdikɔ yayɔsama di’anto ntshɔ dia tenda Bɛtɛlɛ kana dia tshumanelo ntshɔ dia toyanga ekanda l’adatɛ asɔ.
◼ Akatshi wa leeta wa Eohwelo w’ɔnɔnyi 2005 wayotomama lo tshumanelo tshɛ ntondotondo l’ɔtɛkɛta watɛkɛtama l’etshumanelo kakɔ. Naka ɛtɛkɛta ekina wekɔ lo tɛkɛtama l’ɛtshi kanyu ka nkɛtɛ ko nyu nangaka kondja akatshi wa leeta wa Eohwelo l’ɛtɛkɛta ɛsɔ, kete nyɔlɔmbɛ akatshi asɔ aha la tshimbatshimba lo Demande de publications (S-14). Listɛ la ɛtɛkɛta wayotanema akatshi wa leeta wa Eohwelo layotomama lo mukanda watomɛwɔ tshumanelo ngɔndɔ tshɛ wata ɔnɛ: “Avis aux congrégations,” lo Falase. Nyɔlɔmbɛ paka lo ɛtɛkɛta watɛkɛtama lo ɛtshi kanyu ka nkɛtɛ.
◼ Lam’alanganyu, tambonyewoya dia Eohwelo ka l’ɔnɔnyi 2006 kayosalema Lushi la Sato Ngɔndɔ ka Nɛi 12, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo di’anangɛso talɔngɔsɔdi ahole wa ndjosala losanganya lakɔ kana tafute mvudu kina lo ahole wele tshumanelo efula mbɔtɔka lo Mbalasa ka Diolelo kakɔ ɔtɔi. Dikumanyi pombaka tokanyi l’akanga wa mvudu dimɛna di’aha vɔ ndjâfukutanya l’elimu ekina etena kɛnɛ kewɔ lo sala Eohwelo lo ki.
◼ Lo menda ohomba wa dikambo sɔ, olui wa dikumanyi pombaka sɔna ɔmɔtshi l’atei wa dikumanyi diele l’akoka lo dihole dia mengɔnyaka kana mbɔsaka paka onto ɔtɔi ɛnɔnyi tshɛ dia sala dako di’Eohwelo. Naka ekumanyi kɛmɔtshi kele okitami w’esɔ ekɔ l’etshumanelo kanyu, kete nde mbeyaka sɔnama dia mbisha dako sɔ.
◼ Tatɛ oma lo lomingu la Ngɔndɔ ka Samalo 27, 2005 tayeka dibuku He Dja Yimba lo Prɔfɛsiya ka Danyɛlɛ! lo Wekelo wa Dibuku wa l’Etshumanelo. Naka dibuku sɔ kema l’ɔtɛkɛta anyu, kete nyokambe la nɛ diele lo Falase, Lingala kana Swahili.