Waewoyelo

◼ Ekanda wayotosha anto Ngɔndɔ ka ntondo: Mboka k’otsha lo lɔsɛnɔ la pondjo​—⁠Onde wɛ ambokitana? Ngɔndɔ ka hende: Approchez-vous de Jéhovah. Ngɔndɔ ka sato: Nyotetemale sungukala! Ngɔndɔ ka nɛi: Ewo katɔla otsha lo lɔsɛnɔ la pondjo.

◼ Tatɛ oma lo Ngɔndɔ ka hende, ndo Ngɔndɔ ka sato 6, emendji w’etshimbedi wayosha sawo dia lo sɛkɛ di’oyoyo diele l’ɔtɛ a dui ɔnɛ: “Tosale akambo la lomba lo andja ɔnɛ wa kɔlɔ.”

◼ Tshumanelo pombaka mbɔsa tɛdikɔ takoka dia sala Eohwelo ɔnɔnyi ɔnɛ Lushi la nɛi 24, Ngɔndɔ ka sato l’ɔkɔngɔ wa ɛɔtwɛlɔ ka wonya. Kânga mbele sawo mbeyaka la tatɛ esadi, wetshetshelo wa mapa ndo wa vinyɔ pombaka tatɛ paka l’ɔkɔngɔ wa ɛɔtwɛlɔ ka wonya. Nyende dimɛna oshidi wɔtɔ wonya lo ngelo kanyu. Ndeka dimɛna dia etshumanelo tshɛ sala Eohwelo lo tɔamɛ. Koko aha nshi tshɛ mbatokokaka dikambo sɔ salema. L’ahole wele tshumanelo efula diekɔ lo mengɔnya Mbalasa ka Diolelo ɔtɔi, ondo ayokoka di’etshumanelo ɔtɔi kana efula l’atei adiɔ tosala losanganya lɔsɔ l’ahole akina la dikɔlɔ diakɔ. Lɛnɛ akoka dikambo sɔ salema, nyu mbeyaka tshika oko minitɛ 40 lam’asa losanganya la losanganya di’onto tshɛ kondja ɛlɔlɔ w’oma lo diaaso sɔ. Kanyokanane lo dikambo dia tshikanɛ ahole wa mbeta ndo wa memadja mitutu kana mbɛkɛ akalo. Olui wa dikumanyi pombaka mbɔsa tɛdikɔ tayoleka monga ɔlɔlɔ le etshumanelo.

◼ Ekɔ ohomba sala wadielo wa Bible w’oshika l’olimu w’esambishelo ndo lo nsanganya y’Akristo. Ɛnyɛlɔ, “Jeremiya 36:​6, 8” pombaka mbadiema: “Jeremiya tshapita 36 divɛsa dia 6 ndo dia 8.” Onto hahombe mbadia ɔnɛ: “divɛsa dia 6 shilola dia 8.” Etena kadiayɛ “Luka 4:​16-20” lam’alangayɛ adia ɔnɛ, “Luka tshapita 4 divɛsa dia 16 polo dia 20.” Onto hahombe mbadia ɔnɛ “divɛsa dia 16 shidi dia 20.” Ekɔ kɔlɔ mbadia tolembetelo t’ofundelo.

◼ Lam’alanganyu nyokambe la fɔrmilɛrɛ S-70a lo dihole dia S-43 etena kɛnya onto nsaki, koko nde tɛkɛtaka ɔtɛkɛta wotshikitanyi la wɔnɛ wakamba la etshumanelo kanyu.