Waewoyelo
◼ Ekanda wayotosha anto lo Ngɔndɔ ka sato: Nyotetemale sungukala! Ngɔndɔ ka nɛi la ka tanu: Ewo katɔla otsha lo lɔsɛnɔ la pondjo. Ngɔndɔ ka samalo: Etshama oma le Ombetsha a woke. Naka anto wambota ɔnɛ vɔ kema la ana, kete nyowasha dibuku Ɔngɛnɔngɛnɔ wa lo nkumbo kana Ewo. Nyosale la wolo dia tatɛ mbeka l’anto Bible.
◼ Tshumanelo pombaka mbishaka apandjudi numɛlɔ y’eyoyo ya Tshoto y’Etangelo la Réveillez-vous! kam’alongolawɔ. Dui sɔ diayokimanyiya apandjudi dia vɔ mbadia asawo wa lɔkɔ la ntondo ka vɔ tokahanya periodikɛ yakɔ l’esambishelo. Pombaka nto mbisha apandjudi Olimu aso wa Diolelo kam’akomawɔ. Vɔ koka kahanyema lo elui wa Wekelo wa dibuku wa l’etshumanelo.
◼ Sekeletɛlɛ ya tshumanelo pombaka monga la ekanda k’ɔlɔlɔ ka fɔrmilɛrɛ nyɛ: Demande d’admission au service de pionnier permanent (S-205) ndo Demande d’admission au service de pionnier auxiliaire (S-205b). Fɔrmilɛrɛ shɔ koka nɔmbama lo Demande de publications (S-14). Nyonge la ekanda k’ɔlɔlɔ ka fɔrmilɛrɛ shɔ kakoka kamba lanyu ɔnɔnyi w’otondo.
◼ Eohwelo kayosalema Lushi la nɛi, Ngɔndɔ ka sato 24, 2005. Naka etshumanelo kanyu mongaka la nsanganya Lushi la nɛi, kete yɔ pombaka sɛkɔma lo lushi lokina la lo lomingu naka Mbalasa ka Diolelo kayonga hwe. Ko naka ndoko woho okina wa sala ndo naka Losanganya lanyu l’olimu lambofukutana, kete nyu koka ndjodja tenyi diɛnanyu ohomba efula lo etshumanelo kanyu lo Losanganya l’olimu lokina.
◼ Apandjudi efula wakatelefɔnɛ biro ka filialɛ lo kɛnɛ kendana la esambo ɛmɔtshi wa Diolelo weteta nshi nyɛ l’atei w’Ɛmɛnyi wa Jehowa wakembama kana mbidjama lo eshinga lo yoho yasala anto efula. Apandjudi asɔ nangaka mbeya dia kana esambo wakadjama lo eshinga ɛsɔ wambetawɔma oma le ɔlɔngɔswamelo aso. Sho mbeyaka dikambo dia esambo ɛsɔ ndo sho nangaka nyewoya dia dikambo sɔ diambosalema aha la lotshungɔ laso. Lam’alanganyu, tanyetshetshake esambo ɛsɔ kana mbɔasa oma lo Ɛtɛrnɛtɛ. Tekɔ la eshikikelo dia awui anɛ wayonya ohokohoko tshɛ wakoka monga lanyu lo dikambo sɔ.
◼ Tshoto y’Etangelo ya Ngɔndɔ ka nɛi 1, 2005 yayonga l’ɔtɛ a dui ɔnɛ: “Onde siansɛ la Bible hawɔtɔnɛ?” Lo menda ohomba wa dimbola sɔ, etshumanelo tshɛ ayolongola lofulo la lâdiko la pursa 15 ya numɛlɔ kɛsɔ.