Ovuswelo w’awui wakekama lo Kalasa k’olimu wa teokrasi

Ambola wayela anɛ wayɔkɛtshanyema oko ovuswelo wa l’onyɔ wa lo Kalasa k’olimu wa teokrasi lomingu la Ngɔndɔ ka nɛi 25, 2005. Omendji wa kalasa ayɔlɔmbɔla ovuswelo wa minitɛ 30 w’awui wakekama lo Kalasa k’olimu wa teokrasi tatɛ oma lo lomingu la Ngɔndɔ ka sato 7 polo lo lomingu la Ngɔndɔ ka nɛi 25, 2005. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.​—⁠Enda Kalasa k’olimu, lɛkɛ 36-37.]

WAONGA W’ƆTƐKƐTSHI

1. Etena kalɔngɔsɔlaso sawo, ngande wakambaso dimɛna l’awui wakawatosha, ndo lande na kele dikambo sɔ ohomba? [be lɛkɛ 234 od. 1-3, tokombo]

2. Awui angana wahombaso mɔmbɔla lo sawo? [be lɛkɛ 234 od. 4-lɛkɛ 235 od. 1]

3. Ngande wakokaso kamba la ambola dia keketsha onto dia nde tɛkɛta lo olimu w’esambishelo? (Etsha 8:30) [be lɛkɛ 236 od. 2-5]

4. Ngande wakokaso kamba la ambola dia kimanyiya ambeki wa Bible dia kamba la ‘akoka awɔ w’ekanelo ka yimba’? (Romo 12:⁠1) [be lɛkɛ 238 od. 1]

5. Naa etombelo wele la ambola wa lo Romo 8:​31, 32 ndo Isaya 14:27? [be lɛkɛ 239 od. 1-2]

SAWO NO. 1

6. Ngande wasalaso dia ‘Kristo monga oko ehikamelo’ lo olimu aso wa mbetɛ anto ambeki? (1 Kor. 3:11) [be lɛkɛ 278 od. 1-2]

7. Lam’ele Jehowa amboshilaka la mbisha Ɔnande ɛlɔmbwɛlɔ tshɛ lo 1914, oyango akɔna wele laso lam’alɔmbaso ɔnɛ: ‘Diolelo diayɛ diaye’? (Mat. 6: 9, 10) [be lɛkɛ 279 od. 4]

8. Lande na kahomba Akristo tshɛ mbidja yimba dia monga la dikoka dia mbeya mbadia, ndo ngande wakatotshikɛ Yeso ɛnyɛlɔ lo dikambo sɔ? [w03-F 15/3 lɛkɛ 10 od. 5; lɛkɛ 12 od. 2]

9. Ngande wakoka ɛnyɛlɔ kaki Jɔsiya la Yeso kimanyiya ɛlɔngɔlɔngɔ la esekaseka dia vɔ pama lo nyuma? [w03 1/4 lɛkɛ 30 od. 3-4; lɛkɛ 32 od. 3]

10. Lande na kakokaso ndjaɛkɛ le Nzambi? (Tuk. 3:​5, 6) [w03 1/11 lɛkɛ 4 od. 6-7]

WADIELO WA BIBLE WA LOMINGU LA LOMINGU

11. Lande na kakalɔmbɛ Hana dia Jehowa ‘mbisha nkumekanga kande wolo,’ etena kaki ndoko nkumekanga ka onto lâdiko di’Isariyɛlɛ? (1 Sam. 2:⁠10)

12. Kakɔna kakokaso mbeka oma lo woho wakalɛndjama Isariyɛlɛ kânga mbaki ɔshɛtɛ wa sheke l’atei awɔ? (1 Sam. 4:​3, 4, 10)

13. Lande na kele 1 Ekondo 2:​13-15 mbutaka dia Davidi aki ɔnaki Jɛse l’esambele, ko 1 Samuele 16:​10, 11 mɛnyaka dia nde aki ɔna l’enanɛi?

14. “Odienge” akɔna wakahɛnyahɛnyaka Saulo? (1 Sam. 16:⁠14)

15. Onde awui wakate onto lakawelɛka ɔnɛ Samuɛlɛ oma lo tshimbo ya ɔtɛkɛtshi wa djimu wa la Ɛnɛ-Dɔra waki mɛtɛ? (1 Sam. 28:​16-19)