Waewoyelo
◼ Ekanda wayotosha anto Ngɔndɔ ka divwa: Sheke y’ɔngɛnɔngɛnɔ wa lo nkumbo. Ngɔndɔ ka dikumi: Tshoto y’Etangelo la Réveillez-vous! Naka anto wambɛnya nsaki, kete ɔtshiya biukubuku Katɔlɔmba. Ngɔndɔ ka dikumi l’ɔtɔi: Etshama oma le Ombetsha a Woke. Naka anto wambota dia vɔ kema la ana, kete nyowasha dibuku Ewo kana traktɛ Aimeriez-vous en savoir plus sur la Bible? Ngɔndɔ ka dikumi l’ahende: Onto loleki woke lo tena tshɛ.
◼ Bɛtɛlɛ hatɔlɛmiya kɔmandɛ kosadi opandjudi lo ndamɛmɛ. Omendji-walɔmbɔla pombaka nɔngɔsɔla dia mbishaka diewoyelo ngɔndɔ tshɛ la ntondo ka tomɛ Bɛtɛlɛ kɔmandɛ k’ekanda w’etshumanelo woho w’onto tshɛ lalanga kondja ekanda ande ndamɛ mbisha ɔnangɛso lendana l’awui w’ekanda kɔmandɛ kande. Tanyohɛke dikambo di’ekanda watɔlɔmbamaka paka lo yoho ya lânde.
◼ Tambohola dikumanyi dia ndjela dimɛna alako wele lo lɛkɛ 21-23 la Tshoto y’Etangelo ya Ngɔndɔ ka nɛi 15, 1991 lo Falase, lo kɛnɛ kendana la onto tshɛ lakatondjama oma lo etshumanelo kana lakayanganya ndamɛ la etshumenelo lolanga kawola.
◼ Sawo dia lo sɛkɛ dia lânde dia lo 2006 diakalɔngɔswama dia mbishama lo nshi ya Eohwelo diayoshama Lushi la lomingu, Ngɔndɔ ka nɛi 30. Ɔtɛ a dui wa sawo sɔ wayewoyama l’ɔkɔngɔ. Tshumanelo diayembwama oma le omendji wa otshimbedi lo lomingu lɔsɔ, kana diayonga la losanganya lɔmɔtshi la woke lo lomingu lakɔ diayohokamɛ sawo sɔ dia lânde lomingu layela. Ndoko etshumanelo kahomba mbisha sawo sɔ dia lânde la ntondo ka Lushi la lomingu, Ngɔndɔ ka nɛi 30, 2006.
◼ Lam’ele Ngɔndɔ ka dikumi ekɔ la wikɛndɛ etanu, ɔsɔ ayonga ngɔndɔ k’ɔlɔlɔ ka kamba oko ombatshi mboka wa tshanda.
◼ Tshumanelo pombaka tatɛ nɔmba vɔlimɛ relie ya Tshoto y’Etangelo ndo Réveillez-vous! 2005 ndo CD-ROM Watchtower Library — Édition 2005 lo kɔmandɛ kawɔ k’ekanda ka mbala kayaye. Listɛ l’ɛtɛkɛta watanema tɔvɔlimɛ relie tɔsɔ layotanema lo mukanda wele la ɔtɛ a dui ɔnɛ: “Avis aux congrégations,” watomɛwɔ tshumanelo ngɔndɔ tshɛ. Lam’alanganyu, nyeye dia CD-ROM Watchtower Library — Édition 2005 ekɔ paka dikambo di’anto wambobatizama wa lo etshumanelo ndo yɔ kondjamaka paka lo tshimbo ya etshumanelo.