Waewoyelo

◼ Ekanda wayotosha anto Ngɔndɔ ka dikumi l’ahende: Onto loleki woke lo tena tshɛ. Ngɔndɔ ka ntondo: Koka mbisha anto dibuku tshɛ diakatombe la ntondo ka 1991. Tshumanelo diele bu l’abuku asɔ mbeyaka kamba la dibuku L’humanité à la recherche de Dieu. Ngɔndɔ ka hende: Approchez-vous de Jéhovah. Ngɔndɔ ka sato: Tayosha anto dibuku di’oyoyo diele l’ɔtɛ a dui ɔnɛ: Bible etshatɔ mɛtɛ? Nyosale la wolo dia tatɛ mbeka l’anto Bible.

◼ Mvudu ya Bɛtɛlɛ yayodihama lo adatɛ wayela anɛ dikambo dia osolelo: Ngɔndɔ ka dikumi l’ahende 3-4, 2005 ndo Ngɔndɔ ka samalo 3-4, 2006. Ndoko tɛdikɔ tahomba mbɔsama dia ndjembola Bɛtɛlɛ lo adatɛ asɔ.

◼ Akatshi wa leeta wa Eohwelo w’ɔnɔnyi 2006 wa lo ɔtɛkɛta wasalema nsanganya wayotomama kema edja. Naka ɛtɛkɛta ekina wekɔ lo tɛkɛtama lo ɛtshi kanyu ka nkɛtɛ ko nyu nangaka kondja akatshi wa leeta wa Eohwelo lo ɛtɛkɛta ɛsɔ, kete nyɔlɔmbɛ akatshi asɔ aha la tshimbatshimba lo kamba la fɔrmilɛrɛ Demande de publications (S-14). Listɛ la ɛtɛkɛta wayotanema akatshi wa leeta wa Eohwelo layotomama lo mukanda watomɛwɔ tshumanelo ngɔndɔ tshɛ wata ɔnɛ: “ Avis aux congrégations, “ lo Falase. Nyɔlɔmbɛ paka lo ɛtɛkɛta watɛkɛtama lo ɛtshi kanyu ka nkɛtɛ.

◼ Lam’alanganyu, tambonyewoya dia Eohwelo ka l’ɔnɔnyi 2007 kayosalema Lushi l’ɔtɔi, Ngɔndɔ ka nɛi 2, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo di’anangɛso talɔngɔsɔdi ahole wa ndjosala losanganya lakɔ kana tafute mvudu nkina lo ahole wele tshumanelo efula mbɔtɔka lo Mbalasa ka Diolelo ɔtɔi. Naka ekɔ ngasɔ, kete dikumanyi pombaka tokanyi l’akanga wa mvudu dimɛna diaha vɔ ndjâfukutanya l’elimu ekina etena kewɔ lo sala Eohwelo lo ki ndo aha la ofukutanu.

◼ Lo menda ohomba wa Eohwelo, olui wa dikumanyi pombaka sɔna ɔmɔtshi l’atei wa dikumanyi diele l’akoka lo dihole dia mengɔnyaka kana mbɔsaka paka onto ɔtɔi ɔnɔnyi tshɛ dia sala dako dia Eohwelo. Naka ekumanyi kɛmɔtshi kele okitami w’esɔ ekɔ l’etshumanelo kanyu, kete nde mbeyaka sɔnama dia mbisha dako sɔ.