Waewoyelo

◼ Ekanda wayotosha anto Ngɔndɔ ka ntondo: Koka mbisha anto dibuku tshɛ diakatombe la ntondo ka 1991. Tshumanelo diele bu l’abuku asɔ mbeyaka kamba la dibuku L’humanité à la recherche de Dieu. Ngɔndɔ ka hende: Approchez-vous de Jéhovah. Ngɔndɔ ka sato: Tayosha anto dibuku di’oyoyo diele l’ɔtɛ a dui ɔnɛ: Bible etshatɔ mɛtɛ? Nyosale la wolo dia tatɛ mbeka l’anto Bible.

◼ Lam’ele Ngɔndɔ ka nɛi ekɔ la wikɛndɛ etanu, ayonga ngɔndɔ ka dimɛna ka kamba oko ombatshi mboka wa tshanda.

◼ Tatɛ oma lo Ngɔndɔ ka hende ndo la ntondo ka Ngɔndɔ ka sato 5, emendji w’etshimbedi wayosha sawo dia lo sɛkɛ di’oyoyo diele l’ɔtɛ a dui ɔnɛ: “ Wɛ koka nsɛna lo wɔladi kakianɛ ndo pondjopondjo.”

◼ Tshumanelo pombaka mbɔsa tɛdikɔ takoka dia sala Eohwelo kayosalema ɔnɔnyi ɔnɛ Lushi la sato, Ngɔndɔ ka nɛi 12, l’ɔkɔngɔ wa ɛɔtwɛlɔ ka wonya. Kânga mbele sawo mbeyaka tatɛ esadi, wetshetshelo wa mapa ndo wa vinyɔ pombaka tatɛ paka l’ɔkɔngɔ wa ɛɔtwɛlɔ ka wonya. Nyende diewoyelo diele lo Olimu aso wa Diolelo wa Ngɔndɔ ka ntondo 2004. Awui asɔ wekɔ mɛtɛ. Ndeka dimɛna dia etshumanelo tshɛ sala Eohwelo katɔ lo tɔamɛ. Koko aha nshi tshɛ mbatokokaka dikambo sɔ salema. L’ahole wele tshumanelo efula diekɔ lo mengɔnya Mbalasa ka Diolelo ɔtɔi, ondo ayokoka di’etshumanelo ɔtɔi kana efula l’atei adiɔ tosala losanganya lɔsɔ l’ahole akina la dikɔlɔ diakɔ. Lɛnɛ akoka dikambo sɔ salema, nyu mbeyaka tshika oko minitɛ 40 lam’asa losanganya la losanganya di’onto tshɛ kondja ɛlɔlɔ w’oma lo diaaso sɔ. Olui wa dikumanyi pombaka mbɔsa tɛdikɔ tayoleka monga ɔlɔlɔ le etshumanelo.

◼ Etena tshɛ kalangayɛ mɛngɔla, sala ekongelo ka wɛ tɔtɔ lo nsanganya ya l’etshumanelo, y’otshimbedi, kana ya distrikɛ lo wodja okina, wɛ koka mimbola Bɛtɛlɛ kenda wodja akɔ adatɛ, wenya ndo ahole wasalema nsanganya. Adrɛsɛ wa waa Bɛtɛlɛ tshɛ wekɔ lo lɛkɛ l’ekomelo lo Annuaire wêke katomba.

◼ Lam’alanganyu, numɛlɔ k’oyoyo ka biro ka filialɛ tɔ kɛnɛ: 0815551000. Numɛlɔ ka telefɔnɛ kɛnɛ tokimanyiyaka dia sawola la anto efula wonya akɔ wâmɛ.

◼ Onunyelo wa Bɛtɛlɛ ambosha biro ka filialɛ diaaso dia nyometa anangɛso l’akadiyɛso weya olimu wa kura, olimu w’ɛlɔnda w’ashi, waa mekanisiɛ, ndo wanɛ weya awui wendana la dihomɔ dia tshitshi dia ndjokamba lo Bɛtɛlɛ. Tambɔlɔmba ɔnangɛso kana kadiyɛso lele la diewo l’akambo asɔ ndo lalanga kamba lo Bɛtɛlɛ dia nde sawola la kɔmite k’olimu k’etshumanelo kande dia tɔ mbewoya Bɛtɛlɛ dikambo sɔ.