Woho wa mbisha anto Periodikɛ

Tshoto y’Etangelo Ngɔ. ka 2, 15

“Naka vɔ kotɛ dia sɔna owandji w’andja w’otondo, onto akɔna ayoyɔsɔna? [Tshikande akadimole.] Numɛlɔ kɛnɛ ka Tshoto y’Etangelo mɛnyaka lɔkɛlɛngɛ lele la Mɛsiya, mbuta ate onto lakasɔnama oma le Nzambi dia nɔmbɔla nkɛtɛ. Yɔ mɛnyaka nto kɛnɛ kayolembetshiya lowandji lɔsɔ le anto.” Adia Isaya 9:​6, 7.

Réveillez-vous! Ngɔ. ka 2

“Ɛlɔ kɛnɛ anto wekɔ lo tɛmɔla tonzambizambi efula, koko enda kɛnɛ kakate Yeso lo dɔmbɛlɔ lo dikambo dia She lele l’olongo. [Adia Joani 17:⁠3.] Naka ekɔ paka Nzambi ɔtɔi ka mɛtɛ, ko kayotota dia tonzambizambi tokina tshɛ? [Tshikande akadimole.] Sawo nɛ mɛnyaka kɛnɛ kata Bible lo dikambo sɔ.” Fola sawo diele lo lɛkɛ 28-29.

Tshoto y’Etangelo Ngɔ. ka 3, 1

“Efula k’anto suyaka dia sho pombaka mbokana ngandji lam’asaso oko wakadjanga Yeso lo divɛsa nɛ. [Adia Joani 13:​34, 35.] Lende akokaso tana anto wayela wetshelo wa Yeso lo nsɛnɔ yawɔ? [Tshikande akadimole.] Periodikɛ kɛnɛ mɛnyaka woho wakokaso mbishola Akristo wa mɛtɛ ɛlɔ kɛnɛ.”

Réveillez-vous! Ngɔ. ka 3

“Ngandji ekɔ dikambo di’ohomba efula dia onto ndjala ki ndo l’ɔngɛnɔngɛnɔ. Koko ɛlɔ kɛnɛ anto efula bu la ngandji k’oshika. Oko leyɛ, lande na kediɔ ngasɔ? [Tshikande akadimole.] Yoho mɔtshi ya dimɛna efula ya sho monga la ngandji k’oshika ele mbeka dia mɛnya anto akina ngandji kaha la lokaki. Periodikɛ kɛnɛ mɛnyaka kɛnɛ kalɔmbama lo dikambo sɔ.” Adia 1 Koreto 13:​4-7.