Ovuswelo w’awui wakateke lo Kalasa k’olimu wa teokrasi — BIBLIƆTƐKƐ WA LO ƐTƐRNƐTƐ wa Watchtower

Ovuswelo w’awui wakateke lo Kalasa k’olimu wa teokrasi

Ambola wayela anɛ wayɔkɛtshanyema oko ovuswelo wa l’onyɔ wa lo Kalasa k’olimu wa teokrasi lomingu la Ngɔndɔ k’enanɛi 28, 2006. Omendji wa kalasa ayɔlɔmbɔla ovuswelo wa minitɛ 30 w’awui wakateke tatɛ oma lo lomingu la Ngɔndɔ k’esambele 3 polo lo lomingu la Ngɔndɔ k’enanɛi 28, 2006. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.—⁠Enda Kalasa k’olimu, lɛkɛ 36-37.]

WAONGA W’ƆTƐKƐTSHI

1. Ngande wele mendaka ampokami aso tokimanyiyaka dia sho koma embetsha w’eshika? (Mat. 19:25, 26; Etsha 14:9, 10) [be lɛkɛ 124 od. 3-lɛkɛ 125 od. 3]

2. Lande na kele ekɔ ohomba sho tɛkɛta woho wokotɔtɛkɛtaka, ndo kakɔna kakoka tokimanyiya dia sala dikambo sɔ lam’eso l’esambishelo? [be lɛkɛ 128 od. 1-5, kiombo]

3. Lande na kahombaso mongaka kɔmba ndo pudipudi? [be lɛkɛ 131 od. 1-3]

4. Ngande wahomba ‘okitshakitsha ndo yimba y’ɔlɔlɔ’ monga la shɛngiya l’ɔlɔtɔ ndo l’ɔlɔngɔswɛlɔ aso wa divo? (1 Tim. 2:⁠9) [be lɛkɛ 131 od. 4-lɛkɛ 132 od. 1]

5. Atɔndɔ akɔna wa lo Bible wahomba kamba laso dia ndjashikikɛ ɔnɛ ɛnamelo kaso hɛnya dia sho nangaka andja ɔnɛ? [be lɛkɛ 133 od. 2-3]

SAWO NO. 1

6. Naa wahɔ woleki woke wakondja onto oma lo wadielo? [be lɛkɛ 21 od. 3]

7. Kakɔna kashikikɛ dia kana onto ekɔ kanga lomba kana ekɔ enginya? (Tuk. 14:⁠2) [w04-F 15/11 lɛkɛ 26 od. 5]

8. Lande na kele ‘ewo ekɔ dikambo dia wɔdu le kanga yimba’? (Tuk. 14:⁠6) [w04-F 15/11 lɛkɛ 28 od. 4-5]

9. Wekelo kɛdikɛdi na? [be lɛkɛ 27 od. 3]

10. Kana yimba lo etongelo kaki Jehowa pombaka monga la shɛngiya yakɔna le so? [w04-F 15/11 lɛkɛ 8 od. 4]

WADIELO WA BIBLE WA LOMINGU LA LOMINGU

11. Lo nshi y’edjedja, ‘didjango’ diakɔna diakadje Jehowa diakakonya dia olui a woke wa ‘wamato sambisha lokumu l’ɔlɔlɔ,’ ndo ngande wendanadiɔ laso nshi nyɛ? (Osam. 68:⁠11)

12. Ɛngɔ kakɔna kakatshutshuya Asafu dia kombola tshika sala kɛnɛ kele ɔlɔlɔ, ndo ngande wakandayotshikitanyaka kanyi yande? (Osam. 73:2, 3, 17)

13. Lande na kele mana yakashaka Nzambi ase Isariyɛlɛ yakelamɛka ɔnɛ “mbu ya nde y’uma l’ulungu” ndo ‘ma dia akanga a nkudu otamanya?’ (Osam. 78:24, 25)

14. ‘Dihole dia woshɛshɛ dia Nkum’Olongo,’ kɛdikɛdi naa, ndo ngande wakokaso ‘mbidjasɛ’ lɔkɔ? (Osam. 91:1, 2)

15. Lo yoho yakɔna yele nyɔi k’ekambi wa kɔlamelo waki Jehowa kekɔ oshinga wolo le nde? (Osam. 116:⁠15)