Ekadimwelo lo ambola anyu

◼ Onde ekɔ dimɛna sangola awui wayoyɔtɛkɛtama lo Kalasa k’olimu wa teokrasi ko kahɛ anto akina?

Onto koka sala dui sɔ dikambo diande ndamɛ, di’ase nkumbo kande kana di’angɛnyi ande w’eshika. Koko, asawo asɔ hahombe kahanyema le anto tshɛ kana sondjama nɛ dia onto lasala ngasɔ ambɔnyɔla ɔlɛmbɛ wata ɔnɛ aha sangola paka afundji.​—⁠Romo 13:⁠1.

Lo asawo amɔtshi wa lo Kalasa k’olimu wa teokrasi, vɔ mbisha paka ɔtɛ a dui oto aha la mɛnya oma lɛnɛ ɔsami sawo diakɔ. Onde ayonga dimɛna di’onto ɔmɔtshi nɔngɔsɔla listɛ la waa rɛferansɛ kana mɛnya ahole wɔsami ɛtɛ akɔ w’awui wakoka anto walongola asawo asɔ kamba la wɔ? Kema. Ndo nto, bu dimɛna dia funda ekadimwelo wa ambola wendana la ovuswelo wa lo Kalasa k’olimu wa teokrasi dia mbisha anto akina, nɛ dia dui sɔ howakimanyiya dia vɔ mbohɔka awui w’ohomba. Ambeki pombaka sala eyangelo awɔ vɔamɛ. Ɔsɔ ekɔ dui dimɔtshi di’ohomba diendana la wetshelo walongolaso oma le Jehowa lo tshimbo ya kalasa dia tokimanyiya dia sho monga la ‘lolemi l’anto wambetshama.’​—⁠Is. 50:⁠4.