Waewoyelo

◼ Ekanda wayotosha anto Ngɔndɔ ka dikumi l’ahende: Onto loleki woke lo tena tshɛ. Naka nyu bu la diɔ, nyu koka kamba la: La Bible : Parole de Dieu ou des hommes ? ; Buku di’ɛkɔndɔ wa lo Bible; ndo dibuku Kokaka we monga la loseno la pondjo lo paradiso ka la kete, naka nyekɔ la amɔtshi lo lɔkɔtɔ la etshumanelo. Ngɔndɔ ka ntondo: Koka mbisha anto dibuku tshɛ di’edjedja diele la ndjɛkɛ 192 kana diakatombe la ntondo ka 1991. Tshumanelo diele bu la abuku asɔ lo lɔkɔtɔ mbeyaka kamba la dibuku Ewo kana biukukubu Nyotetemale sungukala!

◼ Akatshi wa leeta wa Eohwelo w’ɔnɔnyi 2007 wa lo ɔtɛkɛta wasalema nsanganya wayotomama kema edja. Naka ɛtɛkɛta ekina wekɔ lo tɛkɛtama l’ɛtshi kanyu ka nkɛtɛ ko nyu nangaka kondja akatshi wa leeta wa Eohwelo lo ɛtɛkɛta akɔ, kete nyɔlɔmbɛ akatshi asɔ aha la tshimbatshimba lo kamba la fɔrmilɛrɛ Demande de publications (S-14). Listɛ la ɛtɛkɛta wayotanema akatshi wa leeta wa Eohwelo layotomama lo mukanda watomɛwɔ tshumanelo ngɔndɔ tshɛ wata ɔnɛ: “ Avis aux congrégations. “ Lam’alanganyu, nyɔlɔmbɛ paka lo ɛtɛkɛta watɛkɛtama lo ɛtshi kanyu ka nkɛtɛ.

◼ Lam’alanganyu, tambonyewoya dia Eohwelo ka l’ɔnɔnyi 2008 kayosalema Lushi la samalo, Ngɔndɔ ka sato 22, l’ɔkɔngɔ wa ɛɔtwɛlɔ ka wonya. Datɛ sɔ diambewoyama la ntondo di’anangɛso talɔngɔsɔdi ahole wa ndjosala losanganya lakɔ kana tafute mvudu nkina lo ahole wele tshumanelo efula mbɔtɔka lo Mbalasa ka Diolelo ɔtɔi. Naka ekɔ ngasɔ, kete dikumanyi pombaka tokanyi l’akanga wa mvudu dimɛna diaha vɔ ndjâfukutanya l’elimu ekina etena kewɔ lo sala Eohwelo lo ki ndo aha la ofukutanu. Lo menda ohomba wa Eohwelo, olui wa dikumanyi pombaka sɔna ɔmɔtshi l’atei wa dikumanyi diele l’akoka lo dihole dia mengɔnyaka kana mbɔsaka paka onto ɔtɔi ɔnɔnyi tshɛ dia sala sawo dia Eohwelo. Koko naka ekumanyi kɛmɔtshi kele okitami w’esɔ kele l’akoka ekɔ l’etshumanelo kanyu, kete nde mbahomba sɔnama dia mbisha sawo sɔ.