Woho wa mbisha anto periodikɛ

Tshoto y’Etangelo Ngɔ. ka 12, 15

“L’etena kɛnɛ ka l’ɔnɔnyi, anto efula kanaka yimba lo kɛnɛ kakate ondjelo lo eotwelo ka Yeso. [Adia Luka 2:14.] Onde wɛ fɔnyaka dia mɛtɛ wɔladi wayoyala la nkɛtɛ? [Tshikande akadimole.] Periodikɛ kɛnɛ mɛnyaka woho wayela Yeso wɔladi wa mɛtɛ la nkɛtɛ.”

Réveillez-vous! Ngɔ. ka 12

“Ase ɛtɛmwɛlɔ wekɔ la tokanyi totshikitanyi lo dikambo dia ɔnwɛlɔ a wanu. Lo ndjela kanyi yayɛ, Nzambi ngande wɔsande ɔnwɛlɔ a wanu? [Tshikande akadimole.] Kânga mbele dihindo dia ntondo diakasale Yeso aki dia kadimola ashi wanu, Bible toshaka nto ɔhɛmwɛlɔ ɔnɛ. [Adia Tukedi 20:⁠1.] Sawo nɛ nembetshiyaka kanyi yele la wɛdimo ya Bible lo dikambo sɔ.” Tɛkɛta dia sawo diotate lo lɛkɛ 18.

Tshoto y’Etangelo Ngɔ. ka 1, 1

“Onde wɛ fɔnyaka dia ɔngɛnɔngɛnɔ w’onto nemanɛka la efula ka ɔngɔnyi wele lande? [Tshikande akadimole. Oma lâsɔ adia 1 Timote 6:​9, 10.] Kânga mbele Bible hashimbe onto dia monga la falanga, tɔ mɛnyaka dia ɔngɛnɔngɛnɔ wa mɛtɛ halemanɛ la ɔngɔnyi wele l’onto. Periodikɛ kɛnɛ nembetshiyaka dikambo sɔ.”

Réveillez-vous! Ngɔ. ka 1

“Onde wɛ fɔnyaka dia dikambo nɛ diayokotshama lushi lɔmɔtshi? [Adia Isaya 33:24. Oma lâsɔ Tshikande akadimole.] Periodikɛ kɛnɛ mɛnyaka kɛnɛ kambosala aseka enganga ndo woho wayokotshama daka dia lo Bible sɔ.”