Waewoyelo
◼ Ekanda wayotosha anto Ngɔndɔ ka ntondo 2007: Kokaka mbisha anto dibuku tshɛ di’edjedja diele la ndjɛkɛ 192 kana diakatombe la ntondo ka 1991. Tshumanelo diele bu l’abuku asɔ lo lɔkɔtɔ mbeyaka kamba la dibuku Ewo kana biukubuku Nyotetemale sungukala! Ngɔndɔ ka hende 2007: Approchez-vous de Jéhovah. Tshumanelo diele bu la dibuku sɔ lo lɔkɔtɔ, kokaka kamba la dibuku Ewo kana dikina tshɛ di’edjedja diele lo lɔkɔtɔ lawɔ. Ngɔndɔ ka sato 2007: Tayosha anto dibuku Bible etshatɔ ndo tayosala la wolo dia tatɛ mbeka l’anto Bible.
◼ Tatɛ oma lo Ngɔndɔ ka hende ndo la ntondo ka Ngɔndɔ ka sato 4, emendji w’etshimbedi wayosha sawo dia lo sɛkɛ di’oyoyo diele l’ɔtɛ a dui ɔnɛ: “Waa na wayokoka mbɔtɔ lo andja w’oyoyo waki Nzambi?”
◼ Tayɔsɛdingola bandɛ vidɛo kele l’ɔtɛ a dui ɔnɛ: Les Jeunes s’interrogent — Que vais-je faire de ma vie ? lo Losanganya l’olimu lɔmɔtshi la lo Ngɔndɔ ka nɛi. Naka ekɔ ohomba, kete nyu pombaka kilɔmba lo tshimbo y’etshumanelo aha la tshimbatshimba.
◼ Tshumanelo pombaka mbɔsa tɛdikɔ tahombama dia sala Eohwelo ɔnɔnyi ɔnɛ Lushi l’ɔtɔi, Ngɔndɔ ka nɛi 2, l’ɔkɔngɔ wa ɛɔtwɛlɔ ka wonya koko aha Lushi la hende, Ngɔndɔ ka nɛi 3, oko wakadiafundama l’ɛkɔmɔ lo biukubuku Tɔsɛdingolake Afundelo lushi la lushi—2007 ya lo Lingala. Kânga mbakoka sawo tatɛ yema la ntondo, wetshetshelo wa mapa la vinyɔ pombaka tatɛ paka l’ɔkɔngɔ wa ɛɔtwɛlɔ ka wonya. Nyende dimɛna oshidi wɔtɔ wonya lo ngelo kanyu. Etshumanelo tshɛ pombaka nyanga dia sala Eohwelo katɔ lo tɔamɛ. Koko aha nshi tshɛ mbatokokaka dikambo sɔ salema. L’ahole wele tshumanelo efula diekɔ lo mengɔnya Mbalasa ka Diolelo ɔtɔi, ondo ayokoka di’etshumanelo ɔtɔi kana efula l’atei adiɔ tosala losanganya lɔsɔ lo ahole akina la dikɔlɔ diakɔ. Lɛnɛ akoka dikambo sɔ salema, nyu mbeyaka tshika oko minitɛ 40 l’asa losanganya la losanganya di’anto tshɛ kondja wahɔ oma lo lɔngɛnyi la l’asekaso l’ɔkɔngɔ wa Eohwelo. Kanyokanane lo dikambo dia tshikanɛ ahole wa mbeta ndo wa memadja mitutu kana mbɛkɛ akalo. Olui wa dikumanyi la dia mbɔsa tɛdikɔ tayoleka monga ɔlɔlɔ le etshumanelo.
◼ Sekeletɛlɛ ya lo tshumanelo pombaka ndjashikikɛ dia wekɔ la mukanda wa ɔsɔnamelo w’ombatshi mboka (S-202) waki ombatshi mboka wa pondjo tshɛ. Naka vɔ kema la wɔ, kete vɔ pombaka fundɛ biro ka filialɛ.
◼ Biukubuku Tɔsɛdingolake Afundelo lushi la lushi—2007 yayotomama lo tshumanelo tshɛ dia lo Congo-Kinshasa aha la kamba la Demande de publications (S-14). Nyayoyilongola lofulo lâmɛ lalongolanyu Olimu aso wa Diolelo. Koko naka etshumanelo kanyu kamboshila la toma Demande de publications (S-14) oko wɛnyamidiɔ lo waewoyelo wele lo Olimu aso wa Diolelo wa Ngɔndɔ k’enanɛi 2006, kete Departɛma diendana la otomelo wa ‘ekanda ayoyela kɔmandɛ kanyu.