Waewoyelo

◼ Ekanda wayotosha anto Ngɔndɔ ka hende 2007: Yasukanya la Jehowa. Tshumanelo diele bu la dibuku sɔ lo lɔkɔtɔ koka kamba la dibuku Ewo kana dibuku dikina di’edjedja diele lo lɔkɔtɔ. Ngɔndɔ ka sato 2007: Tayosha anto dibuku Bible etshatɔ ndo tayosala la wolo dia tatɛ mbeka l’anto Bible. Ngɔndɔ ka nɛi ndo ka tanu 2007: Tayosha anto Tshoto y’Etangelo la Réveillez-vous! Etena kasalanyu waendelo w’eyoyo le anto wakɛnya nsaki, mbidja ndo wanɛ wakaye lo Eohwelo kana l’awui akina wakalɔngɔsɔla etshumanelo koko watonge l’atei wa okongamelo, nyotshe tshɛ dia mbasha dibuku Bible etshatɔ, l’oyango wa tatɛ wekelo wa Bible. Ngɔndɔ ka samalo 2007: Tayosha anto dibuku Créateur kana Ɔngɛnɔngɛnɔ wa lo nkumbo.

◼ Tshoto y’Etangelo ya Ngɔndɔ ka sato 15, 2007 yayonga la sawo diele l’ɔtɛ a dui ɔnɛ: “Ngande wele oyelo wa Kristo la shɛngiya le yɛ?” Lo menda ohomba wa dimbola sɔ, etshumanelo tshɛ kayolongola lofulo la lâdiko la pursa 15 ya numɛlɔ kɛnɛ.

◼ Sekeletɛlɛ nde l’omendji w’olimu la dia menda okambelo w’olimu w’ambatshi mboka wa pondjo tshɛ. Naka amɔtshi wekɔ la okakatanu wa kotsha lofulo la wenya walɔmbama, kete dikumanyi pombaka ndjalɔngɔsɔla dia mbakimanyiya. Dia tana alako lo dikambo sɔ, nyovusole awui wele lo mukanda watomama ɔnɔnyi tshɛ (S-201).

◼ Sawo dia lo sɛkɛ dia lânde dia o 2007 diakalɔngɔswama dia mbishama lo nshi ya Eohwelo diayonga la ɔtɛ a dui ɔnɛ: “Wɛ koka ndjaoka lo lotui tshitshi lo andja ɔnɛ w’ofukutanu!” Enda diewoyelo dia woho akɔ wâmɛ lo Olimu aso wa Diolelo wa Ngɔndɔ ka dikumi 2006.