Waewoyelo

◼ Ekanda wayotosha anto Ngɔndɔ k’esambele ndo k’enanɛi: Biukubuku tshɛ yele la ndjɛkɛ 32 l’atei wa tɔnɛ toshilami tele lo Olimu aso wa Diolelo wa Ngɔndɔ ka tanu 2007. Ngɔndɔ ka divwa: Bible etshatɔ mɛtɛ? Welo wa lânde wayodjama la oyango wa tatɛ wekelo wa Bible mbala ka ntondo kasawolaso l’onto. Naka ompokami ekɔ la okanda akɔ, kete ɛnyande woho wakokande kondja wahɔ oma lɔkɔ lo mbɛnya lo tshena pe woho wasalaso wekelo wa Bible l’onto. Ngɔndɔ ka dikumi: Tayosha anto Tshoto y’Etangelo ndo Réveillez-vous ! Naka anto wambɛnya nsaki, kete tayowasha traktɛ Aimeriez-vous en savoir plus sur la Bible ? la oyango wa tatɛ mbeka la wɔ Bible.

◼ Mvudu ya Bɛtɛlɛ yele la Kinshasa yayodihama Ngɔndɔ ka dikumi l’ahende 9, 2007 dikambo dia osolelo. Ndoko tɛdikɔ tahomba mbɔsama dia ndjembola Bɛtɛlɛ lo datɛ sɔ.

◼ Lam’ele Ngɔndɔ ka divwa kayonga la wikɛndɛ etanu, ɔsɔ ayonga ngɔndɔ ka dimɛna ka kamba oko ombatshi mboka wa tshanda.

◼ Tatɛ Ngɔndɔ ka divwa, emendji w’etshimbedi wayosha sawo dia lo sɛkɛ diele l’ɔtɛ a dui ɔnɛ: “Kakɔna kɛnya dia Bible kekɔ mɛtɛ?”

◼ Pombaka tomɛ biro ka filialɛ adɛmandɛ wa ambatshi mboka wa pondjo nshi oko 60 la ntondo ka lushi lakawalɔmbɛ dia tatɛ olimu ɔsɔ. Sekeletɛlɛ ka lo etshumanelo pombaka sɛdingola adɛmandɛ asɔ dimɛna dia menda kana hawohe ndoko dui. Naka wanɛ woludjisha adɛmandɛ akɔ hawoyokoka mbohɔ datɛ shikaa diakawabatizama, kete vɔ kokaka fɔnya datɛ dimɔtshi diosukanyi la nɛ diakawabatizama ko vɔ difunda dihole dimɔtshi. Sekeletɛlɛ pombaka funda datɛ sɔ lo Fishi ka lo etshumanelo k’olimu w’opandjudi (S-21).

◼ Evatɛrɛ wasalema ɔnɔnyi tshɛ wendana la ekanda ndo la periodikɛ tshɛ yatanema lo lɔkɔtɔ l’etshumanelo pombaka salema oya l’ekomelo ka Ngɔndɔ k’enanɛi 31, 2007 naka kokaka. Evatɛrɛ ɔsɔ wayosalema oko wɔnɛ watosalaka omendji w’ekanda ngɔndɔ tshɛ, oma lâsɔ ko funda lofulo tshɛ layotanema lo fɔrmilɛrɛ Inventaire des publications (S-18). Dia mbeya lofulo la periodikɛ tshɛ yele lo lɔkɔtɔ, pombaka mumbola okambi kana ekambi wendana la dikambo sɔ. Sekeletɛlɛ ka lo etshumanelo kalɔmbɔla mbahomba nɔmbɔla evatɛrɛ ɔnɛ w’ekanda. Nde la omendji walɔmbɔla wa l’etshumanelo kakɔ mbayosinya lo fɔrmilɛrɛ. Etshumanelo tshɛ kalɔmbɔla kayolongola fɔrmilɛrɛ shato ya Inventaire des publications. Lam’alanganyu, nyotome biro ka filialɛ ɔrijinalɛ wa fɔrmilɛrɛ kɛsɔ la ntondo ka Ngɔndɔ ka divwa 6. Kanyombe kɔpi ka hende lo eombelo kanyu. Ndo nyu mbeyaka kambaka la kɔpi ka sato.

◼ Etshikitanu wendana la Losanganya la distrikɛ la lo 2007 lele l’ɔtɛ a dui ɔnɛ: ‘Toyele Kristo!’: Butɛmbɔ: Ngɔndɔ k’esambele 27-29, 2007 (F); Kiwanja: Ngɔndɔ k’esambele 28-29, 2007 (nshi 2) (SW); Tshikapa: Ngɔndɔ k’enanɛi 10-12, 2007 (F).

◼ Tshoto y’Etangelo ya Ngɔndɔ ka divwa 1, 2007 yayonga la sawo diele l’ɔtɛ a dui ɔnɛ: Naa ohomba wele la “Daka di’Edjedja”? Lo menda ohomba wele la dimbola sɔ, etshumanelo tshɛ kayolongola lofulo la lâdiko la pursa 10 la numɛlɔ kɛsɔ.

◼ Réveillez-vous ! wa Ngɔndɔ ka divwa 2007, wayonga la sawo diele l’ɔtɛ a dui ɔnɛ: Onde Nzambi mbele lo kiɔkɔ ya mpokoso y’oma lo diangɔ diakatongama? Lo menda ohomba wa sawo sɔ, etshumanelo tshɛ kayolongola lofulo la lâdiko la pursa 10 la numɛlɔ kɛsɔ.