Waewoyelo

◼ Ekanda wayotosha anto Ngɔndɔ ka dikumi l’ɔtɔi: Etshama oma le ombetsha a Woke. Naka onto ambota ate nde bu l’ana, kete nyowosha biukubuku Nyotetemale sungukala! Ngɔndɔ ka dikumi l’ahende: Onto loleki woke lo tena tshɛ. Naka nyu bu ladiɔ, kete nyu kokaka kamba la dibuku Yasukanya la Jehowa kana Sheke y’ɔngɛnɔngɛnɔ wa lo nkumbo. Ngɔndɔ ka ntondo: Dibuku tshɛ di’edjedja diele la ndjɛkɛ 192 diambotatɛ ndana kulɛrɛ kana diakatombe la ntondo ka 1991. Tshumanelo diele bu l’abuku asɔ lo lɔkɔtɔ mbeyaka kamba la dibuku Ewo kana biukubuku Nyotetemale sungukala! Ngɔndɔ ka hende: Y a-t-il un Créateur qui se soucie de vous ? kana Sheke y’ɔngɛnɔngɛnɔ wa lo nkumbo.

◼ Lam’ele Ngɔndɔ ka dikumi l’ahende kayonga la wikɛndɛ etanu, ɔsɔ ayonga ngɔndɔ ka dimɛna ka kamba oko ombatshi mboka wa tshanda.

◼ Tekɔ la ekanda efula walembetshiya Bible wakatondjama dia sambisha anto wele la mbekelo yotshikitanyi ndo wele lo ɛtɛmwɛlɔ wotshikitanyi. Okambi wendana la awui w’ekanda ekɔ la listɛ la ekanda w’ohomba efula ɛsɔ.

◼ Apandjudi tshɛ keketshamaka dia ndodia kartɛ kendana la otonelo wa dikila (DPA) naka vɔ watasale dikambo sɔ. Kartɛ kɛsɔ kokɛka lotshungɔ layɛ la tona okaloyelo wa dikila. Dikumanyi wayosha onto tshɛ ekimanyielo kahombama.​—Enda okotsha w’Olimu aso wa Diolelo wa Ngɔndɔ ka dikumi l’ɔtɔi 2006.

◼ Aya bu ohomba di’apandjudi ndodia Rapport d’étude (S-3) dikambo di’anto weka lawɔ Bible ngɔndɔ tshɛ. Koko, vɔ wayotetemala mɛnya lofulo la ambeki wa Bible wakawalɔmbɔla lo dihole diɛnyami lo Rapport de service (S-4). Tayanga tatɛ kamba la fɔrmilɛrɛ S-3 paka dia ndodia lofulo l’anto wɔtɔ lo nsanganya ya l’etshumanelo.

◼ Réveillez-vous ! wa Ngɔndɔ ka dikumi l’ɔtɔi 2007 wayonga la sawo diele l’ɔtɛ a dui ɔnɛ: “Onde wɛ kokaka mbɛkama Bible?” Lo menda ohomba wa sawo sɔ, etshumanelo tshɛ kayolongola lofulo la lâdiko la pursa 10 ya numɛlɔ kɛsɔ.

◼ Tshoto y’Etangelo ya Ngɔndɔ ka dikumi l’ɔtɔi 15, 2007 (lo Falase) yayonga la sawo diele l’ɔtɛ a dui ɔnɛ: “Onto kokaka monga la lɔsɛnɔ lele l’oyango!” Lo menda ohomba wa sawo sɔ, etshumanelo tshɛ kayolongola lofulo la lâdiko la pursa 10 ya numɛlɔ kɛsɔ.

◼ La ntondo ka vɔ kodjashiya lo lopitadi, nɔmbamaka nshi tshɛ dia wɛ mbewoya ekumanyi kɛmɔtshi ka lo etshumanelo kanyu kakoka mbɔtɔ la diɔtɔnganelo la Kɔmite ka diɔtɔnganelo la mpitadi (Comité de liaison hospitalier). Kɔmite kɛsɔ kayokoka kosha nkombo y’adɔkɔtɛlɛ woka akambo, weya saka woho wa hemɔ kele layɛ. Dui sɔ diekɔ ohomba efula, djekoleko naka wɛ mɛnaka dia wayokotoma l’osomba okina, oyadi paka lo wodja anyu kana lo wodja okina. Dia nɛmiya ekila ka dikila, ayonga dui dia lomba dia kondja nkombo y’adɔkɔtɛlɛ woka akambo la ntondo ka wɛ minda lɔkɛndɔ lɔsɔ. Bɛtɛlɛ kokaka kokimanyiya dia wɛ mbeya awui amɔtshi wahombama, koko wɛ la ewotɔ ayɛ mbele l’ɔkɛndɛ wa mbɔsa tɛdikɔ tshɛ tahombama.