Woho wa mbisha anto periodikɛ

Tshoto y’Etangelo Ngɔ. ka 12, 15

“Lo nshi ya fɛtɛ, anto efula pembaka dia mɛnyanya ngandji ndo kɛtshi. Onde wɛ fɔnyaka di’andja wayonga dihole dia dimɛna efula naka anto monga la kɛtshi ɔnɔnyi w’otondo? [Tshikande akadimole. Oma lâsɔ, adia 1 Petero 3:8.] Periodikɛ kɛnɛ nembetshiyaka ohomba wa kɛtshi ndo tɔ mɛnyaka toho tɔmɔtshi ta shikaa takokaso kɛnɛmɔla dionga sɔ.”

Réveillez-vous! Ngɔ. ka 12

“Onde wɛ fɔnyaka dia wakiso wa ngandji wambovɔ wayɔsɛna nto? [Tshikande akadimole.] Bible mbutaka dia onto kokaka panda oma lo nyɔi. [Adia Osambu 68:20.] Periodikɛ kɛnɛ mɛnyaka lande na kahatahombe mboka nyɔi wɔma ɔnɛ ekɔ ekomelo ka lɔsɛnɔ.”

Tshoto y’Etangelo Ngɔ. ka 1, 1

“Anto efula nɔmbaka dia Diolelo dia Nzambi ndja. Ɛnyɛlɔ, tende dɔmbɛlɔ dieyama efula nɛ diaketsha Yeso ambeki ande. [Adia Mateu 6:9, 10.] Onde wɛ atayambolaka elɛwɔ Diolelo ndo etena kakɔna kayodioya? [Tshikande akadimole.] Periodikɛ kɛnɛ mɛnyaka kɛnɛ kata Bible lo dikambo sɔ.”

Réveillez-vous! Ngɔ. ka 1

“Lo edja k’ɔkɔndɔ w’anto, wamato wôkodiɛnɛka la diɔnyɔ ndo la awui wa ngala. Lande na kafɔnyayɛ kediɔ ngasɔ? [Tshikande akadimole.] Tende woho wetsha Bible waomi dia vɔ salɛ wadiɛwɔ akambo. [Adia 1 Petero 3:7.] Periodikɛ kɛnɛ mɛnyaka oma lo ekimanyielo ka Bible woho wɔsa Nzambi ndo Kristo wamato.”