Waewoyelo

◼ Ekanda wayotosha anto lo Ngɔndɔ ka ntondo: Dibuku tshɛ di’edjedja diele la ndjɛkɛ 192 diambotatɛ ndana kulɛrɛ kana diakatombe la ntondo ka 1991. Tshumanelo diele bu l’abuku asɔ lo lɔkɔtɔ mbeyaka kamba la dibuku Ewo kana biukubuku Nyotetemale sungukala! Ngɔndɔ ka hende: Y a-t-il un Créateur qui se soucie de vous ? kana Sheke y’ɔngɛnɔngɛnɔ wa lo nkumbo. Ngɔndɔ ka sato: Bible etshatɔ mɛtɛ? Nyosale la wolo dia tatɛ mbeka l’anto Bible. Ngɔndɔ ka nɛi: Tshoto y’Etangelo la Réveillez-vous ! Welo wa lânde wayodjama dia membola anto weke ka ndjasha l’akambo wa mɛtɛ wakɔtɔ lo Eohwelo ndo lo sawo dia lo sɛkɛ dia lânde koko watonge l’atei w’okongamelo. Oyango wa wembwelo ɛsɔ pombaka monga wa tatɛ mbeka Bible la wanɛ wahatatatɛ mbeka Bible.

◼ Lam’ele Ngɔndɔ ka sato kayonga la wikɛndɛ etanu, ɔsɔ ayonga ngɔndɔ ka dimɛna ka kamba oko ombatshi mboka wa tshanda.

◼ Tatɛ oma lo Ngɔndɔ ka hende ndo la ntondo ka Ngɔndɔ ka sato 2, emendji w’etshimbedi wayosha sawo dia lo sɛkɛ di’oyoyo diele l’ɔtɛ a dui ɔnɛ: “Lende akokaso tana ekimanyielo lo tena dia pâ?”

◼ Tshumanelo pombaka mbɔsa tɛdikɔ tahombama dia sala Eohwelo ɔnɔnyi ɔnɛ Lushi la samalo, Ngɔndɔ ka sato 22, l’ɔkɔngɔ wa ɛɔtwɛlɔ ka wonya. Kânga mbakoka sawo tatɛ yema la ntondo, wetshetshelo wa mapa la vinyɔ pombaka tatɛ paka l’ɔkɔngɔ wa ɛɔtwɛlɔ ka wonya. Nyende dimɛna oshidi wɔtɔ wonya lo ngelo kanyu. Etshumanelo tshɛ pombaka nyanga dia sala Eohwelo katɔ lo tɔamɛ. Koko aha nshi tshɛ mbatokokaka dikambo sɔ salema. L’ahole wele tshumanelo efula diekɔ lo mengɔnya Mbalasa ka Diolelo ɔtɔi, ondo ayokoka di’etshumanelo ɔtɔi kana efula l’atei adiɔ tosala losanganya lɔsɔ lo ahole akina la dikɔlɔ diakɔ. Lɛnɛ akoka dikambo sɔ salema, nyu mbeyaka tshika oko minitɛ 40 l’asa losanganya la losanganya di’anto tshɛ kondja wahɔ oma lo lɔngɛnyi la l’asekaso l’ɔkɔngɔ wa Eohwelo. Kanyokanane lo dikambo dia tshikanɛ ahole wa mbeta ndo wa memadja mitutu kana mbɛkɛ akalo. Olui wa dikumanyi la dia mbɔsa tɛdikɔ tayoleka monga ɔlɔlɔ le etshumanelo.

◼ Sekeletɛlɛ ya lo tshumanelo pombaka ndjashikikɛ dia wekɔ la mukanda wa ɔsɔnamelo w’ombatshi mboka (S-202) waki ombatshi mboka wa pondjo tshɛ. Naka vɔ kema la wɔ, kete vɔ pombaka fundɛ biro ka filialɛ.