Waewoyelo

◼ Ekanda wayotosha anto Ngɔndɔ ka sato: Bible etshatɔ mɛtɛ? Nyosale la wolo dia tatɛ mbeka l’anto Bible. Ngɔndɔ ka nɛi la ka tanu: Tshoto y’Etangelo la Réveillez-vous ! Welo wa lânde wayodjama dia membola anto weke ka ndjasha l’akambo wa mɛtɛ wakɔtɔ lo Eohwelo ndo lo sawo dia lo sɛkɛ dia lânde koko watonge l’atei w’okongamelo. Oyango wa wembwelo ɛsɔ pombaka monga wa tatɛ mbeka Bible la wanɛ wahatatatɛ mbeka Bible. Ngɔndɔ ka samalo: Bible etshatɔ mɛtɛ? Nyosale la wolo dia tatɛ mbeka l’anto Bible.

◼ Tshumanelo pombaka mbishaka apandjudi numɛlɔ y’eyoyo ya Tshoto y’Etangelo la Réveillez-vous ! kam’ayilongolawɔ. Dui sɔ diayokimanyiya apandjudi dia vɔ mbadia asawo wa lɔkɔ la ntondo ka vɔ tokahanya periodikɛ yakɔ l’esambishelo.

◼ Onto ɔmɔtshi layɔsɔnama oma le omendji walɔmbɔla pombaka mbɛdika kɔntɛ k’etshumanelo ka Ngɔndɔ ka dikumi l’ahende, ka ntondo ndo ka hende. Nyu mbeyaka kamba la anto wotshikitanyi dia sala wɛdikelo ɔsɔ. Kam’ayonyotsha wɛdikelo ɔsɔ ko nyu mbewoya etshumanelo l’ɔkɔngɔ wa mbadia alapɔlɔ wa kɔntɛ wa mbala kayaye.​—Enda Instructions pour la comptabilité des congrégations (S-27).

◼ Losanganya la distrikɛ l’ɔnɔnyi 2008 layonga la ɔtɛ a dui ɔnɛ: “Nyuma kaki Nzambi kekɔ lo tɔlɔmbɔla.” Olimu aso wa Diolelo wa Ngɔndɔ ka nɛi wayotewoya awui akina efula wendana la woho wakoka onto shidiya ndjalɔngɔsɔla dia nde mbɔtɔ nshi yakɔ shato ya losanganya. Naka wɛ pombaka nɔmba kɔnje oma le owandji ayɛ w’olimu dia monga nshi yakɔ shato, kete tengengake dia sala dikambo sɔ.