Ovuswelo w’awui wakateke lo Kalasa k’olimu wa teokrasi

Ambola wayela anɛ wayɔkɛtshanyema oko ovuswelo wa lo Kalasa k’olimu wa teokrasi lomingu la Ngɔndɔ ka hende 23, 2009. Omendji wa kalasa ayɔlɔmbɔla ovuswelo wa minitɛ 20 w’awui wakateke tatɛ oma lo lomingu la Ngɔndɔ ka ntondo 5 polo lo lomingu la Ngɔndɔ ka hende 23, 2009.

1. Ngande wakakoke Nzambi tondja osase lushi la ntondo lam’ele diangɔ diatondja esase diakayotongamaka paka lushi la nɛi? (Etat. 1:3, 16) [w04 1/1 lɛkɛ 6 od. 5]

2. Kakɔna kɛnya woho wele Jehowa kombutɛ Nɔa dia nde mbolela nkɛtɛ oko wakandatɛ Adama onto la kokele? (Etat. 9:1) [it-1-F lɛkɛ 788 od. 6]

3. Etena kakɔna kakatatɛ sheke ya Abarahama monga la nɛmɔ, ndo l’edja ka ngande? (Etat. 12:1-4) [w04 1/2 lɛkɛ 14 od. 4; w01 1/9 lɛkɛ 9 od. 13]

4. Kakɔna kɛnya dia Nimirɔdɛ la wanɛ wakoyele kokotsha oyango awɔ wa ‘ndjayangɛ lokumu’? (Etat. 11:4) [w98-F 15/3 lɛkɛ 25]

5. Lam’ele Lɔta mbelamɛka lo 2 Petero 2:7 ɔnɛ “untu ololo,” lande na kakandasha olui w’anto waki la lɔkɛwɔ la mindo anande wa wamato? (Etat. 19:8) [w05 1/2 lɛkɛ 30 od. 15-16; w04 1/2 lɛkɛ 15 od. 1]

6. Lam’ele waomi woka Nzambi wɔma pombaka kotshɛ ase nkumbo kawɔ ehomba awɔ, lande na kakatshanya Abarahama Hangara nde la Ishamɛlɛ otsha l’oswe wa shɛnga? (Etat. 21:10-21; 1Tim. 5:8) [w88-F 15/2 lɛkɛ 31]

7. Wetshelo akɔna wakondjaso oma lo welo wakadje Eliɛzɛrɛ dia kondjiyɛ Isaka wadi lo ndjela lolango la Jehowa? (Etat. 24:14, 15, 17-19, 26, 27) [w97 1/1 lɛkɛ 15 od. 2]

8. Kakɔna kalembetshiya dɔ diakɛnyi Jakɔbɔ dia andjelo ‘wadɛ ndo waholɔ lo kibandola’? (Etat. 28:10-13) [w03-F 15/10 lɛkɛ 29 od. 1; it-1-F lɛkɛ 683]

9. Lande na kakakombolaka Rashɛlɛ dia kondja mandrangɔrɛ w’ɔnaki Lea? (Etat. 30:14, 15) [w04 1/2 lɛkɛ 16 od. 6]

10. Ngande wele ɛnyɛlɔ kaki Jakɔbɔ kekɔ ɛnyɛlɔ ka dimɛna l’okandwelo w’ekakatanu? (Etat. 33:3, 4) [g82-F 22/5 lɛkɛ 19 od. 8-10]