Waewoyelo

◼ Ekanda wayotosha anto Ngɔndɔ ka dikumi: Tshoto y’Etangelo la Réveillez-vous ! Naka onto ambɛnya nsaki ko nyu mbosha traktɛ kele l’ɔtɛ a dui ɔnɛ: Onde wɛ nangaka mbeya akambo wa mɛtɛ? Naka ompokami ambokondjaka traktɛ kakɔ, kete opandjudi pombaka nsala la wolo dia ntatɛ mbeka la nde Bible. Ngɔndɔ ka dikumi l’ɔtɔi: Bible etshatɔ mɛtɛ? Naka anto wamboshilaka nongola dibuku diakɔ, kete apandjudi mbeyaka mbasha oseka dibuku tshɛ diele la ndjɛkɛ 192 diambotatɛ ndana kulɛrɛ kana diakatombe la ntondo ka 1995. Ngɔndɔ ka dikumi l’ahende: Tayosha anto dibuku Onto loleki woke lo tena tshɛ. Naka anto wambota ɔnɛ vɔ wekɔ l’ana, kete towasha dibuku Etshama oma le Ombetsha a woke.

◼ Ekongelo ka Kalasa k’olimu wa teokrasi k’ɔnɔnyi la ɔnɔnyi hatotondjama nto oko dikatshi di’okotsha lo Olimu aso wa Diolelo. Koko, etshumanelo tshɛ ayolongolaka ekongelo k’ɔnɔnyi l’ɔnɔnyi ndo kɔpi kɛmɔtshi k’ekongelo kayohanemaka lo dibaya dia waewoyelo lo Mbalasa ka Diolelo. Omendji wa kalasa ayotshikalaka la kɔpi kekina kayondokambaka la tɔ dia nkahanya apandjudi asawo. Apandjudi wayotetemala la nongola kɔpi yawɔ y’Olimu aso wa Diolelo ngɔndɔ tshɛ ndo yɔ yayongaka la ekongelo ka Wekelo wa Bible wa l’etshumanelo wa lomingu la lomingu ndo la ekongelo ka Kalasa k’olimu wa teokrasi ndo ka Losanganya l’olimu.