Waewoyelo

◼ Ekanda wayotosha anto Ngɔndɔ ka divwa: Bible etshatɔ mɛtɛ? Tayosala la wolo dia ntatɛ mbeka l’anto Bible lo wendelo wa ntondo. Ngɔndɔ ka dikumi: Tshoto y’Etangelo la Réveillez-vous ! Naka onto ambɛnya nsaki ko nyu mbosha traktɛ kele l’ɔtɛ a dui ɔnɛ: Onde wɛ nangaka mbeya akambo wa mɛtɛ? ndo nsala la wolo dia ntatɛ mbeka la nde Bible.

◼ Dia ndjalɔngɔsɔla dikambo dia Losanganya l’olimu la lomingu la Ngɔndɔ ka dikumi 3, nkumbo tshɛ keketshamaka dia nkɛtshanya l’ɔtɛmwɛlɔ awɔ wa lo nkumbo, alako w’eshika wa lo waa periodikɛ yaso wɛnya woho wakoka ase nkumbo monga la yônge ya dimɛna. Nyovusole asawo wayela anɛ: Onto kokaka ndjalesha dimɛna! (Ngɔndɔ ka tanu 8, 2002); ‘Toho tosamalo ta nkokɛ yônge yayɛ.’ (Ngɔndɔ ka divwa 22, 2003); Savɔ ekɔ oko malanga le anto tshɛ, (Ngɔndɔ ka dikumi l’ɔtɔi 22, 2003) asawo anɛ tshɛ wekɔ paka lo Falase. Nyonge suke dia nembetshiya woho wele alako amɔtshi w’oma lo periodikɛ yaso wekɔ lo nkimanyiya nkumbo kanyu.

◼ Sawo dia lo sɛkɛ dia lânde diakalɔngɔswama dia mbishama lo nshi ya Eohwelo ka lo 2012 diayoshama lo lomingu la Ngɔndɔ ka nɛi 02. Ɔtɛ a dui wa sawo diakɔ wayewoyama l’ɔkɔngɔ. Ndoko etshumanelo kahomba mbisha sawo sɔ la ntondo ka Eohwelo.

◼ Apandjudi wayokamba olimu w’ombatshi mboka wa tshanda lo Ngɔndɔ ka sato 2012 wayokoka nsɔna dia nkimɔ wenya 30 kana 50 lo ngɔndɔ kɛsɔ. Ndo nto, naka omendji w’otshimbedi ayembola etshumanelo lo Ngɔndɔ ka sato, kete wanɛ tshɛ wayokamba oko ambatshi mboka wa tshanda, oyadi wanɛ wayokimɔ wenya 30 kana 50 wayɔtɔ lo losanganya l’otondo layosala omendji nde l’ambatshi mboka wa pondjo.

◼ Lo Ngɔndɔ ka divwa, emendji weteta wayotatɛ mbisha sawo dia lo sɛkɛ diele l’ɔtɛ a dui ɔnɛ: “Nyonge kâmɛ l’ekambi waki Nzambi wele l’ɔngɛnɔngɛnɔ.”