Waewoyelo

◼ Ekanda wayotosha anto ngɔndɔ ka Nɛi la ka Tanu: Tshoto y’Etangelo la Réveillez-vous ! Naka onto ambɛnya nsaki ko nyu mbosha traktɛ kele l’ɔtɛ a dui ɔnɛ: Onde wɛ nangaka mbeya akambo wa mɛtɛ? ndo nsala la wolo dia ntatɛ mbeka la nde Bible. Etena kakalolanyu dia ntenda anto wakɛnya nsaki ndo wakaye l’Eohwelo kana l’awui akina wakalɔngɔsɔla etshumanelo koko watonge l’atei w’okongamelo, nyotshe tshɛ dia ntatɛ mbeka la wɔ Bible l’ekimanyielo ka dibuku Bible etshatɔ. Ngɔndɔ ka Samalo: Bible etshatɔ mɛtɛ? Nyosale la wolo dia ntatɛ wekelo wa Bible l’onto lo wendelo wa ntondo. Naka anto wamboshilaka nongola dibuku diakɔ ko hawolange mbeka Bible, kete apandjudi mbeyaka mbasha oseka periodikɛ kana biukubuku tshɛ y’edjedja yemula nsaki k’ompokami.

◼ Nyu kokaka ntshikitanya ekongelo ka losanganya ka lomingu lele la ntondo ka Losanganya lanyu la distrikɛ dia nyu mvusola alako ndo waohwelo wendana la wɔtwɛlɔ wa losanganya lɔsɔ. Ngɔndɔ ɔtɔi kana hiende l’ɔkɔngɔ wa Losanganya lanyu la distrikɛ, nyu kokaka nkamba la etenyi kendana la ehomba wa l’etshumanelo dia mvusola awui wakatɛkɛtama lo losanganya lɔsɔ wakɛnyi apandjudi dia ayowakimanyiya l’esambishelo.

◼ Naka wɛ nangaka mɛngɔla dia tɔɔtɔ lo Losanganya la distrikɛ lo wodja okina, kete wɛ ayotana awui wayokokimanyiya lo adrɛsɛ aso w’Ɛtɛrnɛtɛ jw.org lam’ofundjiwɔ ɔnɛ: “ Assemblées de district ” l’ɔtɛ a dui “ Consultation. ”

◼ Ɔlɔngɔswɛlɔ w’awui wele lo nɔtɛ ka l’ɛse ka dikatshi ka lo Tshoto y’Etangelo ya Ngɔndɔ k’esambele–ka divwa, 2010 lɛkɛ 4: Lo sawo sɔ, tshɛkɛta yokadimɔmi ɔnɛ “wanu” nembetshiyaka wanu tshɛ wahasekɛmi oma le lɛɛta ndo wahomba nɔma la wɛdimo, ɛnyɛlɔ oko: Biɛrɛ, vinyɔ, wanu w’ashi ndo weho ekina wa wanu, ɛnyɛlɔ oko wiski.