Waewoyelo

◼ Ekanda wayotosha anto lo Ngɔndɔ ka tanu: Tshoto y’Etangelo la Réveillez-vous ! Naka onto ambɛnya nsaki ko nyu mbosha traktɛ kele l’ɔtɛ a dui ɔnɛ: Onde wɛ nangaka mbeya akambo wa mɛtɛ? ndo nsala la wolo dia ntatɛ mbeka la nde Bible. Etena kakalolanyu dia ntenda anto wakɛnya nsaki ndo wakaye l’Eohwelo kana l’awui akina wakalɔngɔsɔla etshumanelo koko watonge l’atei w’okongamelo, nyotshe tshɛ dia ntatɛ mbeka la wɔ Bible l’ekimanyielo ka dibuku Bible etshatɔ. Ngɔndɔ ka samalo: Bible etshatɔ mɛtɛ? Nyosale la wolo dia ntatɛ wekelo wa Bible l’onto lo wendelo wa ntondo. Naka anto wamboshilaka nongola dibuku diakɔ ko hawolange mbeka Bible, kete apandjudi mbeyaka mbasha oseka periodikɛ kana biukubuku tshɛ y’edjedja yemula nsaki k’ompokami.

◼ Yɛdikɔ: Lo Losanganya l’olimu la lomingu la Ngɔndɔ ka tanu 7, ekumanyi kɛmɔ ayonyomadia mukanda wa Ngɔndɔ ka dikumi l’ahende 7, 2009 walɔmba dia nyomenda nto ‘yɛdikɔ y’akuta yaketawɔ etshumanelo dia tomaka dikambo dia Mbalasa ka Diolelo.’ Lo Losanganya l’olimu la Ngɔndɔ ka tanu 14, ɔnɔmbɔdi w’olui wa dikumanyi ayewoya etshumanelo lofulo la falanga l’oyoyo layowotomaka. Oma lâsɔ, nde ayotomɛ Bɛtɛlɛ yɛdikɔ y’oyoyo yambɔsa etshumanelo shɔ.

◼ Wekelo wa Bible wa l’etshumanelo lo Kiluba, Kongo, Oluba ndo l’Ɔtɛtɛla: Wanɛ wasala nsanganya l’ɛtɛkɛta ɛnɛ wayoyela ekongelo ka wekelo ka l’andja w’otondo ka dibuku Ɔtɛkɛta wa Nzambi le so lo tshimbo ya Jeremiya (jr) oma lo lomingu la Ngɔndɔ ka dikumi l’ɔtɔi 5, 2012 polo lomingu la Ngɔndɔ ka dikumi 21, 2013.