“Alako wendana la woho wa mbisha anto periodikɛ lo . . .”
Ngɔndɔ tshɛ sho nsɛdingolaka lo Losanganya l’olimu sawo di’endana la woho wa mbisha anto periodikɛ. Oyango adiɔ kema wa mvusola awui wele lo periodikɛ. Koko, etenyi kɛnɛ kakalɔngɔswama dia nkɛtshanya alako wendana la woho wa mbisha anto periodikɛ. Ɔnkɔnɛ, lo ndjela alako woshami, ɔnangɛso lakalongola etenyi kɛnɛ salaka mbɔtwɛlɔ ka tshena pe dia nomialomia nsaki k’apandjudi lo kɛnɛ kendana l’okahelo wa periodikɛ. Oma laasɔ, nde nɔmbaka ampokami dia vɔ mbisha tokanyi lo kɛnɛ kendana la sawo dimɔtshi (kana asawo) lo tshanda mɔtshi, dia anto tshɛ ndjela ndo mbɔsa nɔtɛ y’alako walangawɔ tokamba la wɔ. Lo dihole dia nde nɔmba ampokami dia vɔ nsala mbɔtwɛlɔ k’otondo, nde nɔmbaka apandjudi dia vɔ mbuta ambola wakoka nkotola yambalo y’anto wa l’ɛtshi kawɔ ka nkɛtɛ, ndo oma laasɔ woho wakokawɔ nembetshiya divɛsa diayadiema. Nde komiyaka lo nsala wɛnyɛlɔ wɛnya woho wa mbisha anto periodikɛ tshɛ. Sho keketshamaka dia mbadiaka periodikɛ la ntondo ka ndja la yɔ lo nsanganya ndo monga suke dia mbisha tokanyi taso. Naka anto tshɛ nɔngɔsɔla etenyi kɛnɛ dimɛna, kete tɔ kayotokimanyiya dia nkeketshanya onto la onyande.—Tuk. 27:17.