Waewoyelo

◼ Ekanda wayotosha anto lo Ngɔndɔ ka dikumi l’ahende: Asui tshɛ wayanga komɛ!, Jehowa​—Ênde na?, Yeso Kristo​—Ênde na?, kana Onde wɛ nangaka mbeya akambo wa mɛtɛ? Naka onto ambɛnya saki, towɛnya woho wekaso l’anto Bible lo nkamba la dibuku Bible Etshatɔ kana biukubuku Hokamɛ Nzambi kana Hokamɛ Nzambi dia wɛ nsɛna pondjopondjo. Ngɔndɔ ka ntondo ndo kahende: Tobukubuku tshɛ tele la ndjɛkɛ 32 l’atei wa tɔnɛ: Onde Nzambi tokanɛka mɛtɛ?, Etena kavɔ onto ɔmɔtshi lalangayɛ..., kana Wɛ kokaka monga ɔngɛnyi wa Nzambi! Etena kakalolaso dia tosala waendelo w’eyoyo, tosha anto dibuku Bible Etshatɔ kana lo ndjela ehomba w’onto, sho mbeyaka mbosha biukubuku Hokamɛ Nzambi kana Hokamɛ Nzambi dia wɛ nsɛna pondjopondjo ndo tosale la wolo dia ntatɛ mbeka la nde Bible.

◼ Eohwelo ka lo ɔnɔnyi 2014 kayosalema Lushi l’ɔtɔi, Ngɔndɔ ka nɛi 14.

◼ Apandjudi wayokamba olimu w’ombatshi mboka wa tshanda lo Ngɔndɔ ka sato 2013 wayokoka nsɔna dia nkimɔ wenya 30 kana 50 lo ngɔndɔ kɛsɔ. Ndo nto, naka omendji w’otshimbedi ayembola etshumanelo lo Ngɔndɔ ka sato, kete wanɛ tshɛ wayokamba oko ambatshi mboka wa tshanda, oyadi wanɛ wayokimɔ wenya 30 kana 50 wayɔtɔ lo losanganya l’otondo layosala omendji w’otshimbedi nde l’ambatshi mboka wa pondjo.

◼ Naka lo ngelo kanyu anto hawoleke nkamba l’Ɛtɛrnɛtɛ, kete ekumanyi kɛmɔtshi kambohokɔ akambo mbeyaka mbisha sawo diele l’ɔtɛ a dui ɔnɛ: Woho wa Sala Eyangelo, diatanema lo lɛkɛ 33 polo 38 la dibuku Kondja Wahɔ oma lo Kalasa k’Olimu wa Teokrasi. Naka kokaka l’ɔtɛkɛta anyu, nyokongɛ dia nsala wɛnyɛlɔ ehende. Ntondotondo, lo ndjela awui wele l’ɛse k’ɔtɛ a dui wata ɔnɛ: Bible Ekɔ Ehomɔ ka Ntondo ka Sala Eyangelo, nyɛnya woho wa nkamba nkumbo kɛmɔtshi la waa rɛferansɛ wa lo Bible dia mbeya awui efula wendana la divɛsa ɔtɔi kana avɛsa ahende. Oma laasɔ, l’ɛse k’ɔtɛ a dui wata ɔnɛ: Eka dia Kamba la Dihomɔ Dikina di’Eyangelo, nyɛnya woho wasala nkumbo kɛmɔtshi eyangelo wa divɛsa dimɔtshi l’ɛndɛksɛ dia mbeya dibuku dialembetshiya divɛsa diakɔ etena kasalawɔ ɔtɛmwɛlɔ awɔ wa lo nkumbo.