“Lamboya dia ndjosawola la yɛ nɛ dia . . .”

Naka ampokami wambodihola lokuke ko wambotɛna temadi, vɔ mbeyaka ndjambola dia mbeya waa na weso ndo lande na keso lakawɔ. Kakɔna kakokaso mbuta lo mbɔtwɛlɔ kaso dia vɔ nkitshakitsha asolo? L’ɔkɔngɔ wa sho mbasha mɔyɔ oko wele mbekelo kaso, apandjudi amɔtshi kambaka la etelo “nɛ dia” dia nembetshiya. Ɛnyɛlɔ, vɔ mbutaka ɔnɛ: “Tekɔ lo tembola asukanyi aso nɛ dia efula ka l’atei awɔ wekɔ lo ndjakiyanya lo kɛnɛ kendana l’awui wa diakatanelo. Onde wɛ fɔnyaka dia . . .” kana “lamboya ndjosawola la yɛ nɛ dia lekɔ lo teke l’anto Bible ofele.” Naka wɛ mbutɛ ompokami ayɛ kam’akomayɛ lande na koyeyɛ dia ndjowembola, kete nde ayoleka monga suke dia mpokamɛ kɛnɛ kawotɛyɛ.