Tosambisha akambo wa mɛtɛ wendana la Yeso l’ohetoheto

Sho ndekaka monga l’ohetoheto etena keyaso woho wa nsambisha anto akina awui wendana la Yeso. Yeso mbele dive dia lo tshuku dia lɛnɛ ohikami mbetawɔ ka mɛtɛ. (Ɛf. 2:20) Otondongaka aha nde, tshike sho bu la elongamelo ka lɔsɛnɔ. (Ets. 4:12) Diakɔ diele, ekɔ ohomba dia anto tshɛ mbeya ɔkɛndɛ wele la Yeso lo sangwelo diaki Nzambi. Anto efula wambonganyiyama oma lo wetshelo wahatombi oma l’Afundelo. Lonyangu ko, vɔ hawotokondja ɛtshɔkɔ walaka Nzambi wanɛ wele la mbetawɔ le Yeso. Ohetoheto aso l’akambo wa mɛtɛ ayototshutshuya dia nkimanyiya anto wele l’etema w’ɛlɔlɔ dia vɔ mbeya Yeso dimɛna, diɔtɔnganelo diele lam’asande la Nzambi ndo ɔkɛndɛ wele lande lo sangwelo dia Nzambi. Lo nshi ya Eohwelo nyɛ, onde wɛ ayosambisha akambo wa mɛtɛ wendana la Yeso l’ohetoheto tshɛ?