Ambutshi le, nyosha ananyu diaaso dioleki dimɛna dia vɔ ntondoya

Ambutshi woka Nzambi wɔma nomɔlomɔka mɛna anawɔ wonga ekambi wa kɔlamelo waki Jehowa. Ambutshi koka nkimanyiya anawɔ lo monɛka wetshelo wa lo Bible l’etema awɔ oma ko tɔkɛndakɛnda tawɔ. (Eoh 6:7; Tok 22:6) Onde dui sɔ nɔmbaka dia ndjahombia? Eelo, ekɔ ngasɔ! Koko etombelo w’amɛna mongaka.​—3Jn 4.

Ambutshi koka nkondja wetshelo efula oma le Yɔsɛfu la Mariya. Vɔ “waki la mbekelo ka tshɔka ɔnɔnyi l’ɔnɔnyi la Jɛrusalɛma lo fɛtɛ k’Elekanelo,” kaanga mbele dui sɔ diakalɔmbaka olimu efula ndo falanga. (Luka 2:41) Mɛnamaka dia, kɛnɛ kakaleke ohomba le Yɔsɛfu ndo Mariya, aki dia nkumbo kawɔ ndjasukanya la Jehowa. Woho akɔ waamɛ mbele, ɛlɔ kɛnɛ ambutshi koka nɔmbɔla anawɔ lo dihole diahombama lo kambaka la diaaso tshɛ dia mbaetsha lo ɛtɛkɛta ndo lo mbisha ɛnyɛlɔ.​—Os 127:3-5.

NYENDE VIDƐO YELE L’ƆTƐ A DUI ƆNƐ: VƆ WAKAKAMBE LA DIAASO TSHƐ, NDO OMA LAASƆ NYOKADIMOLE LO AMBOLA WAYELA ANƐ:

• Ngande wele Jon ndo Sharon Schiller wakatetemala la kambɛ Nzambi etena kakawodiaka anawɔ?

• Lande na kele ambutshi pombaka mbetsha, nɔmbɔla ndo mingola ɔna la ɔna lo yoho yotshikitanyi?

• Ngande wakoka ambutshi nɔngɔsɔla anawɔ dia vɔ nshika tanga la ntondo ka ehemba wendana la mbetawɔ?

• Dihomɔ diakɔna diakatondja okongamelo wa Jehowa diakakambe la yɛ dia nkimanyiya anayɛ dia vɔ nkoma angɛnyi wa Jehowa?