LƆSƐNƆ L’OKRISTO

Woho wakoka atshukanyi nkeketsha diwala diawɔ

Abrahama nde la Sara wekɔ ɛnyɛlɔ ka dimɛna le atshukanyi wokana ngandji ndo walɛmiyana lam’asawɔ. (Eta 12:11-13; 1Pe 3:6) Koko, diwala diawɔ komonga kokele ndo wakahombe mbikikɛ ehemba wa lo lɔsɛnɔ. Wetshelo akɔna wakoka atshukanyi nkondja lo nsɛdingola ɛnyɛlɔ ka Abrahama nde la Sara?

Nyosawolake lam’asanyu. Kaloyaka olonganyi ayɛ ɛtɛkɛta wa la dilɛmiɛlɔ oyadi kaanga nde akatshi kana akakotondje ɛtɛkɛta wakonyangiya. (Eta 16:5, 6) Nyetshake wenya kaamɛ. Nshikikɛ olonganyi ayɛ dia wɛ mbolangaka, l’ɛtɛkɛta ndo l’etsha. Laadiko dia laasɔ, nyotetemale mbidja Jehowa lo diwala dianyu, lo mbekaka, lo nɔmbaka ndo lo tɛmɔlaka kaamɛ. (Ond 4:12) Diwala diele nge nɛmiyaka Jehowa, Otungi wa yɛdikɔ y’ekila shɔ.

NYENDE VIDƐO YELE L’ƆTƐ A DUI ƆNƐ: WOHO WA NKEKETSHA DIMAMA DIA DIWALA NDO OMA LAASƆ, NYOKADIMOLE LO AMBOLA WAYELA ANƐ:

Lo vidɛo nyɛ, naa tolembetelo tɔmɔtshi tɛnya dia Shaan nde la Kiara komongaka kaamɛ?
Lande na kele mbutanɛka akambo hwe hwe lo diwala ekɔ ohomba?
Ngande wakakimanyiya ɛnyɛlɔ ka Abrahama nde la Sara, Shaan nde la Kiara?
Wanya akɔna wakatakola Shaan nde la Kiara dia nkeketsha diwala diawɔ?
Lande na kahahombe wadi la omi nongamɛ dia diwala diawɔ monga kokele?

Osato wa tenyi efula: Esato w’oma lo vidɛo yele l’ɔtɛ a dui ɔnɛ: ‘Woho wa nkeketsha dimama dia diwala.’ Shaan nde la Kiara wambɔsa tɛdikɔ dia nkeketsha diwala diawɔ. 1. Vɔ mbidjasɛ onto l’onto la nkoma ya kɔsa. 2. Wambokimanɛ l’anya. 3. Vɔ watasambisha kaamɛ l’ɔngɛnɔngɛnɔ. — Wɛ kokaka nkeketsha diwala diayɛ!