Jehowa kokɛka ekambi ande

Dambo di’Elekanelo dia ntondo aki dikambo di’ohomba efula. L’otsho ɔsɔ, l’ɔkɔngɔ wa Farawɔ mbishola dia ɔnande l’enondo akavwe, nde akatɛ Mɔsɛ ate: “Nyonee, nyotombe oma lo wodja ami nyu l’ase Isariyɛlɛ akina. Nyotshu nyotokambe Jehowa oko wakanyate.” (Eto 12:31) Jehowa akɛnya dia nde kokɛka ekambi ande.

Etena kakaloyaso washo l’ɔkɔngɔ lo ɔkɔndɔ w’ekambi wa Jehowa wa nshi nyɛ, sho mɛnaka hwe dia Jehowa ekɔ lo ntetemala mbalɔmbɔla ndo mbakokɛ. Dui sɔ mɛnyamaka hwe lo mize ɔmɔtshi watanema lo Mbalasa kalɔmbɔla olimu aso l’andja w’otondo wele l’ɔtɛ a dui ɔnɛ: “Anto wakasɔnama dikambo dia lokombo la Jehowa.”

NYENDE VIDƐO YELE L’ƆTƐ A DUI ƆNƐ: WEMBWELO WA MIZE: “ANTO WAKASƆNAMA DIKAMBO DIA LOKOMBO LA JEHOWA LA WARWICK” NDO OMA LAASƆ, NYOKADIMOLE LO AMBOLA WAYELA ANƐ:

• 

  Naa dihomɔ diakakambe l’ambeki wa Bible l’etatelo ka 1914 dia nkimanyiya anto dia nkeketsha mbetawɔ kawɔ lo Bible ndo ngande waki dui sɔ l’etombelo w’amɛna?

• 

  Ekakatanu akɔna wakatombe lo 1916 ndo 1918, ndo kakɔna katoshikikɛ dia Jehowa mbakalɔmbɔlaka okongamelo?

• 

  Ngande wakatshikala ekambi wa Jehowa la kɔlamelo kaanga mbakalɔshaka anto akina?

• 

  Eokelo kakɔna k’oyoyo kakalongola ekambi wa Jehowa lo 1935 ndo shɛngiya yakɔna yaki la dui sɔ lewɔ?

• Naka wɛ ambembolaka mize ɔnɛ, kakɔna kakayɛnyi kakakeketsha mbetawɔ kayɛ k’ɔnɛ Jehowa ekɔ lo nɔmbɔla ndo kokɛ ekambi ande?