Kokɛ diɔtɔnganelo diasayɛ la Jehowa

Ɛmɛnyi wa Jehowa wekɔ la diɛsɛ dia laande. Oko weso Akristo wakayakimɔ ndo wakabatizama, sho tetemalaka monga la diɔtɔnganelo dia dimɛna efula la Nkum’Olongo Nkumadiɔndjɔ Jehowa. Nde akatokotola oya le nde lo tshimbo ya Ɔnande. (Jni 6:44) Nde pokamɛka alɔmbɛlɔ aso.​—Osa 34:15.

Ngande wakokaso nkokɛ diɔtɔnganelo dia dimɛna efula diele lam’asaso la Nzambi? Dui dimɔtshi ele, sho pombaka mbewɔ nsala pɛkato oko wakasalaka ase Isariyɛlɛ. Yema tshitshɛ l’ɔkɔngɔ wa vɔ mbɔtɔ sheke lo diɔtɔnganelo dia lam’asawɔ la Jehowa, vɔ wakasale yana ya ngɔmbɛ ya paonyi ndo wakatatɛ yitɛmɔla. (Eto 32:7, 8; 1Kɔ 10:7, 11, 14) Sho koka ndjambola ɔnɛ: ‘Ngande wasalami etena kahembamami dia nsala dui dimɔtshi dia kɔlɔ? Onde etsha ami mɛnyaka dia dimi kokɛka diɔtɔnganelo diasami la Jehowa?’ Ngandji kaso k’efula k’otsha le Shɛso lele l’olongo kayotokimanyiya dia sho mbewɔ awui wahetshande.​—Os 97:10.

NYENDE VIDƐO YELE L’ƆTƐ A DUI ƆNƐ: LAMA DIƆTƆNGANELO DIASAYƐ LA JEHOWA (KƆL 3:5) NDO OMA LAASƆ, NYOKADIMOLE LO AMBOLA WAYELA ANƐ:

• Ɔkɔmiya kɛdikɛdi na?

• Lande na kahombaso minya lokaki ndo ɔtɛmwɛlɔ wa dikishi?

• Ngande wɔtɔnɛ loseka la ɔtɛmwɛlɔ wa dikishi?

• Lande na kahomba djekoleko le wanɛ wele l’ɛkɛndɛ l’okongamelo wa Jehowa ndjashikikɛ dia wekɔ lo nkotsha ehomba wa elonganyi awɔ?