AKAMBO W’OHOMBA W’OMA L’ƆTƐKƐTA WA NZAMBI | ETOMBELO 39-40

Mɔsɛ akayele la yambalo tshɛ ɛlɔmbwɛlɔ kakawosha Jehowa

La yambalo tshɛ Mɔsɛ akayele kiambokambo tshɛ yakawotɛ Jehowa lo kɛnɛ kendana la wokelo ndo wemadjelo wa tabɛrnaklɛ. Sho lawɔ nto pombaka ndjela alako tshɛ walongolaso oma le okongamelo wa Jehowa ndo nkitanyiya aha la ntshimbatshimba l’otema aso tshɛ. Dui sɔ diekɔ ohomba kaanga naka alako akɔ mɛnamaka dia vɔ bu ohomba ndjela kana hatoshihodia ɛkɔkɔ woshami alako akɔ.—Luk 16:10.

Lande na kahombaso mpokamɛ ndo ndjela la yambalo tshɛ ɛlɔmbwɛlɔ etena . . .

keso lo nsanganya y’otsha l’esambishelo?
kayalɔngɔsɔlaso dikambo di’esakelo wa wanyandja?
kayalɔngɔsɔlaso dikambo dia mpokoso y’oma lo diangɔ diakatongama?

Osato wa tenyi tenyi: Anangɛso l’akadiyɛso wekɔ lo nkamba l’alako wekewɔ oma la nongola. 1. Olui w’anangɛso l’akadiyɛso wasala losanganya l’otsha l’esambishelo l’andja wa soko dia luudu. 2. Kadiyɛso kɛmɔtshi ekɔ lo mbadia dɔkima di’aseka enganga diendana la tɛdikɔ tahombande mbɔsa lo kɛnɛ kendana l’esakelo wahombande nongola. 3. Nkumbo kɛmɔtshi wekɔ lo mbidja diangɔ di’ohomba lo tapa diendana l’awui wa wanyandja etena katomba mpokoso.