Nyɛnya ngandji lo nkumbo

Ngandji ekɔ olembo wakakatanya ase nkumbo dia vɔ monga kaamɛ. Naka ngandji bu lo nkumbo, kete nkumbo kayonga l’okakatanu wa ntetemala monga kaamɛ ndo nkamba dihɛka lo dihɛka. Ngande wakoka waomi, wa waadi ndo ambutshi mɛnya ngandji lo nkumbo?

Omi la ngandji ayodjaka yimba l’ehomba wa wadɛnde, etena kashande kanyi ndo nsaki yande. (Ɛf 5:28, 29) Nde ayokotshaka ehomba wa lo demba ndo wa lo nyuma wa nkumbo kande, mbidja ndo osalelo w’ɔtɛmwɛlɔ wa lo nkumbo wa mbala la mbala wa la dikɔlɔ. (1Ti 5:8) Wadi la ngandji ayokitanyiyaka omɛnde ndo ayowɛnyaka “dilɛmiɛlɔ di’efula.” (Ɛf 5:22, 33; 1Pe 3:1-6) Wadi l’omi pombaka dimanyiyana l’otema ɔtɔi lam’asawɔ. (Ɛf 4:32) Ambutshi wa ngandji mɛnyaka dia vɔ ndjashaka le ɔna l’ɔna ndo mbowaetshaka woho wa mboka Jehowa ngandji. (Eoh 6:6, 7; Ɛf 6:4) Ambutshi kokaka ndjambola ɔnɛ: Ekakatanu akɔna wahomana l’anawɔ la kalasa? Ngande walɔshanawɔ la tɔsɛngiya t’oma le asekawɔ? Naka dimama dia ngandji monga lo nkumbo, kete ase nkumbo tshɛ wayoyaoka lo ekokelo ndo lo lotui tshitshi.

NYENDE VIDƐO YELE L’ƆTƐ A DUI ƆNƐ: ƐNYA NGANDJI KAHAKOMƐ LO NKUMBO KAYƐ NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wakotsha omi la ngandji ehomba wa wadɛnde ndo ngande wa wɔsande la nɛmɔ?

• 

  Ngande wɛnya wadi la ngandji dilɛmiɛlɔ di’efula otsha le omɛnde?

• 

  Ngande wakɔkɔmiya ambutshi wa ngandji Ɔtɛkɛta wa Nzambi l’etema w’anawɔ?