Wetshelo wakondjaso oma lo lɔsɛnɔ la Samuɛlɛ

Samuɛlɛ akatshikala la kɔlamelo le Jehowa lɔsɛnɔ lande l’otondo. Etena kakinde dikɛnda, nde akatone nongola etshimba oko wakasalaka ana w’apami waki Eli, Hɔfɛni nde la Finehasi. (1Sa 2:22-26) Samuɛlɛ akatatetemalaka mbola ndo Jehowa aki kaamɛ la nde. (1Sa 3:19) Etena kakinde opalanga, nde akatetemala nkɛndakɛnda lo mboka ka Jehowa, kaanga mbaki anande w’apami kosalaka dui sɔ.​—1Sa 8:1-5.

Wetshelo akɔna wakokaso nkondja oma l’ɛnyɛlɔ ka Samuɛlɛ? Naka wɛ eke ɔlɔngɔlɔngɔ, onga l’eshikikelo dia Jehowa ekɔ lo mɛna ekakatanu wahomana la yɛ ndo woho wayaokayɛ. Nde koka kokimanyiya dia wɛ monga la dihonga. (Isa 41:10, 13) Naka wɛ ekɔ ombutshi wele l’ɔna lahalange nkambɛ Jehowa, wɛ koka ntana esambelo lo mbeya dia Samuɛlɛ kotshutshuya anande w’epalanga dia monga la kɔlamelo lo atɔndɔ Jehowa. Etena kakitshayɛ awui ayɛ l’anya wa Jehowa, tetemala nama olowanyi ayɛ ndo ngɛnyangɛnya Shɔ lele l’olongo, Jehowa. Ondo ɛnyɛlɔ kayɛ ka dimɛna koka ndjotshutshuya anayɛ dia vɔ nkalola le Jehowa.

NYENDE VIDƐO YELE L’ƆTƐ A DUI ƆNƐ: TOKONDJA WETSHELO OMA LE WƆ​—SAMUƐLƐ NDO OMA LAASƆ, NYOSHA EKADIMWELO LO AMBOLA WAYELA ANƐ:

• 

  Ngande wakɛnya Samuɛlɛ dihonga etena kakinde eke dikɛnda?

• 

  Ngande wakɛnya Danny dihonga?

• 

  Ngande wakatshikɛ Samuɛlɛ epalanga ɛnyɛlɔ ka dimɛna?

• 

  Ngande wakatshike ambutshi waki Danny ɛnyɛlɔ ka dimɛna?