Ahemɛ nsaki yayɛ

Oko weso keema kokele, sho pombaka ntetemala ndɔ ta dia ta dia mbahemɛ nsaki yaso. Naka sho nsala kɛnɛ tshɛ kakombolaso, kete sho koka ndjonga ko hatoyetawɔma le Jehowa. Ɛnyɛlɔ, anto amɔtshi nangaka mbo ya ndɛ, ahɔndɔ ndo luudu lawɔ oleki woho walangawɔ Nzambi. Akina kotshaka nsaki yawɔ ya dieyanelo lo yoho yahɔtɔnɛ l’atɔndɔ waki Nzambi. (Rɔm 1:26, 27) Akina nto mbetawɔka sɛngiyama oma le anto akina dia nsala kɛnɛ kele kɔlɔ dikambo vɔ nangaka nangema ndo mbetawɔma oma le anto asɔ.​—Eto 23:2.

Ngande wakokaso mbahemɛ nsaki yaso? Sho pombaka nsala tshɛ keso l’akoka wa nsala dia ndjasha l’awui wa lo nyuma. (Mat 4:4) Ndo nto, sho pombaka nɔmba Jehowa dia tokimanyiya dia mbahemɛ nsaki yaso. Lande na? Nɛ dia nde mbeyaka kɛnɛ koleki ɔlɔlɔ le so ndo nde mbeyaka woho wa nkotsha nsaki yaso yele keema kɔlɔ.​—Os 145:16.

NYENDE VIDƐO YELE L’ƆTƐ A DUI ƆNƐ: TETAWƆKE DIA ƆNWƐLƆ WA MFƆKA NDANYA LƆSƐNƆ LAYƐ NDO OMA LAASƆ, NYOKADIMOLE LO AMBOLA WAYELA ANƐ:

• 

  Lande na kanɔ anto amɔtshi mfɔka?

• 

  Ngande wakoka ɔnwɛlɔ wa mfɔka monga la shɛngiya le yɛ?

• 

  Lande na kele ɔnwɛlɔ wa mfɔka wekɔ kɔlɔ?​—2Kɔ 7:1

• 

  Ngande wakokayɛ ntshika ɔnwɛlɔ wa mfɔka ndo mbekelo kɛsɔ?