LƆSƐNƆ L’OKRISTO
Olowanyi ndo tokanyi taso
Sho mɛnyaka olowanyi aso aha tsho lo kɛnɛ kataso kana kasalaso, koko ndo lo kɛnɛ kakanyiyaso. (Os 19:14) Diakɔ diele, Bible tokeketshaka dia kanaka yimba l’akambo tshɛ wele mɛtɛ, akambo tshɛ wele la kɛnɛmɔ, akambo tshɛ wosembwe, akambo tshɛ wele pudipudi, akambo tshɛ wakoka nangema, akambo tshɛ wele la lokumu l’ɔlɔlɔ ndo akambo tshɛ wakoka mandɔma. (Flp 4:8) Kɛnɛ kele mɛtɛ ele, aha mbala tshɛ mbakokaso nshimba dia tokanyi ta kɔlɔ toyɛ lo yimba. Koko naka sho monga la ndjakimɛ, kete dui sɔ diayotokimanyiya dia minya kanyi ya kɔlɔ aha la tshimbatshimba ko ndjihɛnya la ya dimɛna. Naka sho monga l’olowanyi l’ekanelo kaso ka yimba, kete dui sɔ diayotokimanyiya dia monga l’olowanyi l’etsha aso.—Mak 7:21-23.
Funda l’ɛse ka divɛsa tshɛ dia l’avɛsa wayela anɛ yoho mɔtshi y’ekanelo ka yimba kahombaso mbewɔ: