NGƆNDƆ KA SAMALO 3-9

AKAMBO W’OHOMBA W’OMA L’ƆTƐKƐTA WA NZAMBI

Yeso nde la otshukami ande wa didjidji wokimane l’anya ndo wenda nkɛtɛ oma lo olongo. — Yeso Kristo nde la otshukami ande, anto 144 000

1. Osambo lo dikambo dia diwala dia Nkumekanga

(Min. 10)

Osambo 45 tɛkɛtaka dia diwala dia Mɛsiya Nkumekanga (Os 45:1, 13, 14; w14 2/15 9-10 od. 8-9)

Diwala dia Nkumekanga diayosalema l’ɔkɔngɔ w’Aramangɛdɔna (Os 45:3, 4; w22.05 17 od. 10-12; enda osato wa lo lohoso)

Anto tshɛ wayokondja ɛtshɔkɔ oma lo diwala sɔ (Os 46:8-11; it-1-F 1041)

YAMBOLA WATE: ‘Onde “otema ami wambonandema” dia nsambisha lokumu l’ɔlɔlɔ lendana la Nkumekanga Yeso Kristo?’—Os 45:1.

Apami la wamato wangɛnangɛna lo Paradiso.

2. Diangɔ di’oshinga wolo dia lo nyuma

(Min. 10)

Os 45:16—Kakɔna katetsha divɛsa nɛ lo kɛnɛ kendana la lɔsɛnɔ la lo paradiso? (w17.04 11 od. 9)

Okadimwelo ayɛ
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?

Okadimwelo ayɛ

3. Wadielo wa Bible

(Min. 4) Os 45:1-17 (th wekelo 5)

YASHA L’OLIMU W’ESAMBISHELO

4. Woho wa ntatɛ sawo l’onto

(Min. 3) ESAMBISHELO KA LO TSHAKITUDI. (lmd wekelo 1 dui di’ohomba 3)

5. Sawo

(Min. 5) ijwbv-F 26—Ɔtɛ a dui: Kakɔna kalembetshiya Osambo 46:10? (th wekelo 18)

6. Lembetshiya dietawɔ diayɛ

(Min. 4) Wɛnyɛlɔ. g-F 12/10 22-23—Ɔtɛ a dui: Naa kanyi yayɛ lo dikambo dia dieyanelo dia lam’asa pami la pami kana womoto la womoto? (lmd wekelo 6 dui di’ohomba 5)

LƆSƐNƆ L’OKRISTO

7. Nyotetemale mɛnyanya ngandji lo diwala dianyu

(Min. 10) Ɔkɛtshanyelo.

Osato w’oma lo vidɛo yele l’ɔtɛ a dui ɔnɛ: “Dia monga l’ɔngɛnɔngɛnɔ lo diwala: Nyɛnyanyake ngandji.” Pami kɛmɔtshi asha wadɛnde bizɛ la ngandji tshɛ l’okoko ndo vɔ mbidjasɛ l’okala.

Fɛtɛ y’awala yekɔ waaso w’ɔngɛnɔngɛnɔ efula. (Os 45:13-15) Mbala efula, lushi la fɛtɛ ka diwala lekɔ l’atei wa nshi yoleki ɔngɛnɔngɛnɔ le atshukanyi. Ko kakɔna kakoka atshukanyi nsala dia vɔ ntetemala monga l’ɔngɛnɔngɛnɔ l’edja tshɛ ka lɔsɛnɔ lawɔ?—Ond 9:9.

Mɛnyanya ngandji ekɔ dui dimɔtshi di’ohomba dia monga la diwala di’ɔngɛnɔngɛnɔ. Atshukanyi pombaka mbokoya ɛnyɛlɔ ka Isaka la Rɛbɛka. Bible totɛka dia l’ɔkɔngɔ w’ɛnɔnyi 30 wa diwala diawɔ, vɔ wakatetemala mɛnyanya ngandji k’efula. (Eta 26:8) Kakɔna kakoka nkimanyiya atshukanyi dia mbokoya ɛnyɛlɔ kawɔ?

Ɛnya VIDƐO yele l’ɔtɛ a dui ɔnɛ: Dia monga l’ɔngɛnɔngɛnɔ lo diwala: Nyɛnyanyake ngandji. Oma laasɔ, oka ampokami ambola anɛ:

Kakɔna kakoka ndjokonya atshukanyi ko hawoyɛnyanya ngandji?

Okadimwelo ayɛ
Kakɔna kakoka olonganyi tshɛ nsala dia osekande ndjaoka dia nde nangemaka ndo mbidjamaka yimba? —Ets 20:35

Okadimwelo ayɛ

NGƆNDƆ KA SAMALO 3-9

OSAMBO 45-47

Osambo 27 ndo dɔmbɛlɔ | Ɛtɛkɛta wa mbɔtwɛlɔ (Min. 1)