NGƆNDƆ K’ESAMBELE 29–NGƆNDƆ K’ENANƐI 4
OSAMBO 69
Osambo 13 ndo dɔmbɛlɔ | Ɛtɛkɛta wa mbɔtwɛlɔ (Min. 1)
1. Woho wakatatami awui wakakomɛ Yeso lo Osambo 69
(Min. 10)
Wakahetsha Yeso ohetshahetsha (Os 69:4; Jni 15:24, 25; w11 8/15 11 od. 17)
Yeso aki l’ohetoheto lo dikambo dia luudu la Jehowa (Os 69:9; Jni 2:13-17; w10 12/15 8 od. 7-8)
Yeso akonge la paa etena kakinde suke la mvɔ ndo wakawosha wanu wakawasanganya la diangɔ di’ololo (Os 69:20, 21; Mat 27:34; Luk 22:44; Jni 19:34; g95-F 22/10 31 od. 4; it-2-F 600)
DIMBOLA DIA NKANA LA DIƆ YIMBA: Lande na kakadje Jehowa prɔfɛsiya yendana la Mɛsiya l’Afundelo wa lo Hɛbɛru?
2. Diangɔ di’oshinga wolo dia lo nyuma
(Min. 10)
Os 69:30, 31—Ngande wakoka avɛsa anɛ tokimanyiya dia ndowanya alɔmbɛlɔ aso? (w99 2/1 16 od. 11)
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?
3. Wadielo wa Bible
(Min. 4) Os 69:1-25 (th wekelo 2)
4. Onga la solo dia lotutsha—Kɛnɛ kakasale Yeso
(Min. 7) Ɔkɛtshanyelo. Ɛnya VIDƐO ndo oma laasɔ, nyɔkɛtshanya lmd wekelo 8 dui di’ohomba 1-2.
5. Onga la solo dia lotutsha—Okoya Yeso
(Min. 8) Ɔkɛtshanyelo wɔsami oma lo lmd wekelo 8 dui di’ohomba 3-5 ndo “Enda ndo lo.”
Osambo 134
6. Ehomba wa l’etshumanelo
(Min. 5)
7. Atɔndɔ wendana l’Ɔtɛmwɛlɔ wa lo nkumbo wa la dikɔlɔ
(Min. 10) Ɔkɛtshanyelo.
Lo Ngɔndɔ ka ntondo 2009, wakasanganya Wekelo wa dibuku wa l’etshumanelo, Kalasa k’olimu wa Teokrasi ndo Losanganya l’olimu, lo losanganya ɔtɔi la l’atei a lomingu. Dui sɔ diakasha nkumbo diaaso dia monga l’ekongelo k’ɔtɛmwɛlɔ wa lo nkumbo lomingu tshɛ. Anto efula wakɛnya lowando lawɔ l’otshikitanu wakasalema ɔsɔ, wakaakimanyiya dia ndeka ndjasukanya la Jehowa ndo lam’asawɔ.—Eoh 6:6, 7.
Naa atɔndɔ amɔtshi wakoka nkimanyiya ewandji wa nkumbo di’ɔtɛmwɛlɔ wa lo nkumbo monga l’etombelo w’amɛna?
Nyosalake mbala la mbala. Naka kokaka, nyoshikikɛ etena kasalaka ɔtɛmwɛlɔ wa lo nkumbo lomingu tshɛ. Nyoshikikɛ lushi lokina lakokanyu nsala naka hanyosadi lushi lokonyosalaka
Nyoyalɔngɔsɔlake. Mbola wadɛyɛ ndo lo tena dimɔtshi, nyombolake ananyu dia vɔ mbisha tokanyi. Tɔlɔngɔsɔlake awui efula, djekoleko naka ase nkumbo ngɛnangɛnaka nsala awui akɔ waamɛ lomingu tshɛ
Ɔtɔnganyiya ekongelo la nkumbo kayɛ. Etena katole ana, ehomba ndo akoka awɔ tshikitanaka. Ekongelo kayɛ pombaka nkimanyiya ose nkumbo tshɛ dia mpama lo nyuma
Ɛnya ngandji ndo sala di’onto tshɛ ndjaoka dimɛna. Lo tena dimɔtshi, ndeka dimɛna wekelo salema l’andja etena kele hiɛlɛlɛ ya dimɛna. Kanyomuyake yema naka kokaka. Kaanga mbele ekɔ dimɛna ntɛkɛta di’ekakatanu ɛmɔtshi shikaa wahomana la nkumbo kanyu, tokambake l’ɔtɛmwɛlɔ wa lo nkumbo dia mpangɔ kana mpokola
Nyosalake awui wotshikitanyi. Ɛnyɛlɔ, nyu mbeyaka nɔngɔsɔla losanganya lɔmɔtshi la lomingu layela, menda ndo nkɛtshanya vidɛo mɔtshi y’oma lo jw.org ndo mpemba kɛnɛ kayonyotota l’esambishelo. Kaanga mbele ɔkɛtshanyelo pombaka monga etenyi kɛmɔtshi k’ohomba l’Ɔtɛmwɛlɔ wa lo nkumbo wa la dikɔlɔ, ose nkumbo tshɛ pombaka nto mongaka l’etena kasalaka wekelo w’onto ndaamɛ
Nyɔkɛtshanya dimbola nɛ:
Ngande wakanyahembe nkamba l’atɔndɔ anɛ l’ɔtɛmwɛlɔ anyu wa lo nkumbo?
8. Wekelo wa Bible wa l’etshumanelo
(Min. 30) bt tshap. 13 od. 8-16, kiombo ya lo lk. 105