NGƆNDƆ KA NTONDO 6-12

AKAMBO W’OHOMBA W’OMA L’ƆTƐKƐTA WA NZAMBI

1. Ambutshi—Nyotetemale nkokɛ etenyi kanyu k’okitɔ ka nɛmɔ

(Min. 10)

Ambutshi koka monga l’eshikikelo k’ɔnɛ Jehowa ayowakimanyiya dia nkotsha ehomba w’ase nkumbo yawɔ (Os 127:1, 2)

Ana wekɔ woshasha wa nɛmɔ w’oma le Jehowa (Os 127:3; w21.08 5 od. 9)

Lowanya ɔna l’ɔna lo ndjela ehomba ande (Os 127:4; w19.12 27 od. 20)

Papa kɛmɔtshi akamba la biukubuku “Wetshelo wakondjami oma lo Bible” dia mbeka l’anande ahende. Ana akɔ wakanyiya wele lo paradiso wakɛnya la Ndjɔvu la Eketo. — Jehowa mongaka l’ɔngɛnɔngɛnɔ w’efula etena kayaɛkɛ ambutshi le nde ndo kasalawɔ kɛnɛ tshɛ kakokawɔ nsala dia nkokɛ anawɔ

2. Diangɔ di’oshinga wolo dia lo nyuma

(Min. 10)

Os 128:3—Lande na kakɛdika omembi w’esambo ana la ntahe y’osongo w’ɔlivɛ? (it-1-F 543)

Okadimwelo ayɛ
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?

Okadimwelo ayɛ

3. Wadielo wa Bible

(Min. 4) Os 132:1-18 (th wekelo 2)

YASHA L’OLIMU W’ESAMBISHELO

4. Woho wa ntatɛ sawo l’onto

(Min. 3) ESAMBISHELO KA LO TSHAKITUDI. (lmd wekelo 1 dui di’ohomba 3)

5. Woho wa ntatɛ sawo l’onto

(Min. 4) ESAMBISHELO KA LO TSHAKITUDI. Ompokami ambota dui dimɔtshi diahɔtɔnɛ la kɛnɛ ketsha Bible. (lmd wekelo 5 dui di’ohomba 4)

6. Mbetɛ anto ambeki

(Min. 5) lff wekelo 16 dui di’ohomba 4-5. Okana l’ombeki wa Bible dia nde ntetemala mbeka l’opandjudi okina etena keyɛ hatonga laawɔ. (lmd wekelo 10 dui di’ohomba 4)

LƆSƐNƆ L’OKRISTO

7. Ambutshi—Onde nyu kambaka l’ehomɔ koleki dimɛna dia mbetsha?

(Min. 15) Ɔkɛtshanyelo.

Okongamelo wa Jehowa tondjaka dihomɔ efula dia nkimanyiya ambutshi dia mbetsha anawɔ akambo wendana la Jehowa. Koko, ehomɔ kɛmɔtshi l’atei wa dihomɔ dioleki amɛna diele l’ambutshi ele, ɛnyɛlɔ kawɔ ka dimɛna.—Eoh 6:5-9.

Yeso akakambe l’ehomɔ koleki dimɛna kɛsɔ dia mbetsha ambeki ande.

Adia Joani 13:13-15. Oma laasɔ, oka ampokami dimbola nɛ:

Lande na kafɔnyayɛ dia yoho yaketsha Yeso oma l’ɛnyɛlɔ kande aki yoho ya dimɛna?

Okadimwelo ayɛ

Oko ambutshi, etsha anyu koka mɛnya ananyu lande na kele awui wawatɛnyu wekɔ ohomba. Ɛnyɛlɔ kanyu ka dimɛna kayowakimanyiya nto dia nɛmiya kɛnɛ kawaetshanyu ndo ayowakeketsha dia nyohokamɛ.

Esato womamatanyi: Esato w’oma lo vidɛo yele l’ɔtɛ a dui ɔnɛ: “Tetsha anaso lo mbasha ɛnyɛlɔ.” 1. Nkumbo kaki Garcia wele lo mutuka, walanga ntshɔ lo losanganya lɔmɔtshi la l’etshumanelo. 2. Nkumbo kakɔ wodjashi lamɛsa wanɔ eloko l’ɔkɔngɔ wa vɔ nkalola oma lo losanganya. Vɔ walɛ ndo wasawola. 3. Ɔnangɛso Garcia ambotokemɛ wekelo ande dia nsawola l’anande wa wamato. 4. Ɔnangɛso la kadiyɛso Garcia wakɛtshanya lo dikambo di’anawɔ wa wamato lo nkamba la Bible.

Ɛnya VIDƐO yele l’ɔtɛ a dui ɔnɛ: Tetsha anaso lo mbasha ɛnyɛlɔ. Oma laasɔ, oka ampokami ambola anɛ:

Na wetshelo w’ohomba waketsha ɔnangɛso la kadiyɛso Garcia anawɔ wa wamato?

Okadimwelo ayɛ
Ngande wakotshutshuya vidɛo nyɛ dia ntetemala mbisha anayɛ ɛnyɛlɔ k’ɔlɔlɔ?

Okadimwelo ayɛ

8. Wekelo wa Bible wa l’etshumanelo

(Min. 30) bt tshap. 20 od. 13-20