NGƆNDƆ KA NTONDO 20-26
OSAMBO 138-139
Osambo 93 ndo dɔmbɛlɔ | Ɛtɛkɛta wa mbɔtwɛlɔ (Min. 1)
1. Tetawɔke dia wɔma kokaloya ɛkɔngɔkɔngɔ
(Min. 10)
Sho nangaka ntombola Jehowa l’otema aso tshɛ (Os 138:1)
Etena kokayɛ wɔma dia mbisha kɔmatɛrɛ lo losanganya, yaɛkɛ le Jehowa dia nkondja ekimanyielo (Os 138:3)
Monga la wɔma koka monga djembetelo ya dimɛna (Os 138:6; w19.01 10 od. 10)
DAKO: Mbisha kɔmatɛrɛ ya tomondo koka tokimanyiya dia nkitshakitsha wɔma.—w23.04 21 od. 7.
2. Diangɔ di’oshinga wolo dia lo nyuma
(Min. 10)
Os 139:21, 22—Onde Akristo nɔmbamaka dia dimanyiya oseka onto tshɛ? (it-2-F 490 od. 8)
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?
3. Wadielo wa Bible
(Min. 4) Os 139:1-18 (th wekelo 2)
4. Woho wa ntatɛ sawo l’onto
(Min. 3) ESAMBISHELO KA LO SƐKƐ. (lmd wekelo 2 dui di’ohomba 3)
5. Mbetɛ anto ambeki
(Min. 4) ESAMBISHELO KA LO SƐKƐ. Lɔmba dia mbeka l’onto Bible ndo ɛnyande woho wekaso l’anto Bible. (lmd wekelo 10 dui di’ohomba 3)
6. Sawo
(Min. 5) ijwyp sawo 105—Ɔtɛ a dui: Ngande wakokami minya ɔsɔnyi? (th wekelo 16)
Osambo 59
7. Wɛ koka ngɛnangɛna esambishelo oyadi wɛ ekɔ ɔsɔnyi
(Min. 15) Ɔkɛtshanyelo.
Onde wɛ ekɔ ɔsɔnyi? Onde mbala efula wɛ halange di’anto mɛna kɛnɛ kasalayɛ? Onde wɛ mbokaka wɔma? Lo tena dimɔtshi, wanɛ wele ɛsɔnyi mongaka l’okakatanu dia nsala kɛnɛ kalangawɔ. Koko, efula ka wanɛ wakalɔshana la ɔsɔnyi wakayongaka l’akoka wa mbutɛ anto akina awui wa lo Bible ndo ngɛnangɛna esambishelo. Wetshelo akɔna wakokaso nkondja oma l’ɛnyɛlɔ kawɔ?
Ɛnya VIDƐO yele l’ɔtɛ a dui ɔnɛ: Lekɔ lo mbisha kɛnɛ koleki dimɛna le mi kaanga mbemi ɔsɔnyi. Oma laasɔ, oka ampokami dimbola nɛ:
Ngande wakakondja kadiyɛso Lee wahɔ lo nkamba la dako diakawosha tshɛnde ka womoto lakawotɛ dia “ndjasha tshɛ dia kambɛ Jehowa”?
Bible mɛnyaka dia ondo Mɔsɛ, Jɛrɛmiya ndo Timɔte waki akanga wa diki. (Eto 3:11; 4:10; Jɛr 1:6-8; 1Ti 4:12) Koko, vɔ wakasale awui wa weke l’olimu wa Jehowa, nɛ dia Jehowa aki kaamɛ la wɔ. (Eto 4:12; Jɛr 20:11; 2Ti 1:6-8)
Adia Isaya 43:1, 2. Oma laasɔ, oka ampokami ambola anɛ:
Daka dakɔna dialaka Jehowa atɛmɔdi ande?
Ngande wakoka Jehowa nkimanyiya akanga w’ɛsɔnyi dia nkondja etombelo w’amɛna l’esambishelo ɛlɔ kɛnɛ?
Ɛnya VIDƐO yele l’ɔtɛ a dui ɔnɛ: Woho wele batisimu kanyu nyokonyaka l’ɔngɛnɔngɛnɔ w’efula—Etenyi. Oma laasɔ, oka ampokami ambola anɛ:
Ngande wakayaoke kadiyɛso Jackson dia Jehowa akawosha nkudu ndo akosukɛ l’olimu ande w’esambishelo?
Ngande wakoka esambishelo nkimanyiya kanga ɔsɔnyi?
8. Wekelo wa Bible wa l’etshumanelo
(Min. 30) bt tshap. 21 od. 8-13, kiombo ya lo lk. 169