NGƆNDƆ KA NƐI 28–NGƆNDƆ KA TANU 4

AKAMBO W’OHOMBA W’OMA L’ƆTƐKƐTA WA NZAMBI

1. Totake!

(Min. 10)

Totake ndooko dui diakoka nyangiya ‘wonyayɛ’(Tok 11:9; w02-F 15/5 26 od. 4)

Totake dui diakoka nkakitola anto (Tok 11:11; w02-F 15/5 27 od. 2-3)

Tosholake sheke (Tok 11:12, 13; w02-F 15/5 27 od. 5)

Anangɛso ahende wasawola lo Mbalasa ka Diolelo. Ɔmɔtshi ekɔ lo ntɛkɛta kɔlɔ lo dikambo di’ɔnangɛso layaye oya le wɔ.

DIMBOLA DIA NKANA LA DIƆ YIMBA: Ngande watokimanyiya ɛtɛkɛta wa Yeso wele lo Luka 6:45 dia mbewɔ ntondja ɛtɛkɛta wa kɔlɔ?

2. Diangɔ di’oshinga wolo dia lo nyuma

(Min. 10)

Tok 11:17—Wahɔ akɔna wakondjaso lo monga anto w’ɛlɔlɔ? (g20.1 11, kiombo)

Okadimwelo ayɛ
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?

Okadimwelo ayɛ

3. Wadielo wa Bible

(Min. 4) Tok 11:1-20 (th wekelo 5)

YASHA L’OLIMU W’ESAMBISHELO

4. Woho wa ntatɛ sawo l’onto

(Min. 4) ESAMBISHELO KA LO TSHAKITUDI. Yanga diaaso dia mbutɛ onto dui dimɔtshi diakayeke lo losanganya atete edja. (lmd wekelo 2 dui di’ohomba 4)

5. Wesa nsaki kɛnyisha onto

(Min. 4) ESAMBISHELO KA LO TSHAKITUDI. Ɛnya vidɛo mɔtshi y’oma lo Dihomɔ dia mbetsha. (lmd wekelo 8 dui di’ohomba 3)

6. Mbetɛ anto ambeki

(Min. 4) ESAMBISHELO KA LO SƐKƐ. Lɔmba onto dia mbeka la nde Bible ndo ɛnyande woho wekaso l’anto Bible. (lmd wekelo 10 dui di’ohomba 3)

LƆSƐNƆ L’OKRISTO

7. Tetawɔke dia ɛtɛkɛta ayɛ mfukutanya wɔladi

(Min. 15) Ɔkɛtshanyelo.

Lam’ele sho bu kokele, tayosalaka wandja oma l’ɛtɛkɛta aso. (Jak 3:8) Koko, naka sho nkanyiya kɛnɛ kakoka ntomba etena katondjaso ɛtɛkɛta wa kɔlɔ, kete dui sɔ diayotokimanyiya dia mbewɔ mbuta awui wayotoyonyanga l’ɔkɔngɔ. Ɛtɛkɛta ɛmɔtshi wakoka mfukutanya wɔladi wa l’etshumanelo vɔ ɛnɛ:

Ofunu wa kɔlɔ. Ɔsɔ ekɔ ɛtɛkɛta watondja onto dia ndjatombola ndo dui sɔ koka nkonya onto dia sɛmanɛ la so kana tɔkɔmiya.—Tok 27:2
Ɛtɛkɛta wele bu mɛtɛ. Ɛtɛkɛta ɛsɔ hendana tsho la mbuta kashi, koko vɔ mendanaka ndo l’ɛtɛkɛta watondja onto la lolango dia nkesa. Nsala akambo aha la losembwe oyadi lo towuiwui ta totshitshɛ koka nkonya anto diaha ndjaɛkɛ le so ndo ndanya lokumu laso.—Ond 10:1
Vate vate. Ɔsɔ ekɔ ɛtɛkɛta watondja onto dia ntɛkɛta kɔlɔ lo dikambo di’anto akina ndo dia nsɛnɔ yawɔ, lo mbuta awui wele bu mɛtɛ kana lo mbishola toseke tawɔ. (1Ti 5:13) Dui sɔ koka nkonya l’ewanu ndo lo diatɔnelo
Ɛtɛkɛta wa la kɛlɛ. Ɔsɔ ekɔ ɛtɛkɛta watondja onto aha la nkanyiya dia nkɛnɛmɔla nsaki yande etena kawomadia onto ɔmɔtshi. (Ɛf 4:26) Ndo ɛtɛkɛta ɛsɔ koka mpomuya anto.—Tok 29:22

Esato w’amo lo vidɛo yele l’ɔtɛ a dui ɔnɛ: “ ’Tonya’ waonga wafukutanya wɔladi —Etenyi.” 1. Emili nde la Sesilɛ wodjashi lo dihole dianɔwɔ eloko. Sesilɛ enda diangɔ diadja Ɛlɛna lo reso sɔsio lo telefɔnɛ kande. 2. Ɛlɛna atɛkɛtɛ Sesilɛ la nkɛlɛ tshɛ lo dihole diemadiawɔ mituka lo Mbalasa ka Diolelo.

Ɛnya VIDƐO yele l’ɔtɛ a dui ɔnɛ: ‘Tonya’ waonga wafukutanya wɔladi —Etenyi. Oma laasɔ, oka ampokami dimbola nɛ:

Wetshelo akɔna wamboyokondja lo woho wele ɛtɛkɛta aso koka mfukutanya wɔladi wa l’etshumanelo esadi eto?

Okadimwelo ayɛ

Dia mɛna woho wakawayokaloyaka wɔladi, enda vidɛo yele l’ɔtɛ a dui ɔnɛ: “Yanga wɔladi ndo wesawɔ.”

8. Wekelo wa Bible wa l’etshumanelo

(Min. 30) bt tshap. 25 od. 14-21