NGƆNDƆ KA TANU 5-11

AKAMBO W’OHOMBA W’OMA L’ƆTƐKƐTA WA NZAMBI

1. Kamba olimu efula mongaka la difuto

(Min. 10)

Tatetshake wenya lo ndjasha l’akambo wele keema ohomba (Tok 12:11)

Kamba olimu efula ndo onga l’etete (Tok 12:24; w16.06 30 od. 5)

Wɛ ayokondja difuto oma l’olimu ayɛ wa wolo (Tok 12:14)

Esato womamatanyi: Ɔnangɛso akamba l’awui w’ɛlɔnda ndo ayasha l’awui wa lo nyuma. 1. Nde atɛmbɛ dihomɔ diande. 2. Nde akamba la nsapi dia nɔngɔsɔla tiyo ka woke. 3. Nde ele lo losanganya kaamɛ l’ase nkumbo kande. Nde la yana yande ya yimato wambemɛ anya dia mbisha kɔmatɛrɛ. 4. Nde akamba la traktɛ dia nsambisha pami kɛmɔtshi lo dihole dia sondjawɔ esasɛ.

Dako: Kamba olimu efula koka tosha ɔngɛnɔngɛnɔ etena kakanyiyaso wahɔ wakoka anto akina nkondja.—Ets 20:35; w15 2/1 5 od. 4-6.

2. Diangɔ di’oshinga wolo dia lo nyuma

(Min. 10)

Tok 12:16—Ngande wakoka tɔndɔ dia lo divɛsa nɛ nkimanyiya onto dia mbikikɛ etena kalɔshanande l’ekakatanu? (ijwyp-F 95 od. 10-11)

Okadimwelo ayɛ
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?

Okadimwelo ayɛ

3. Wadielo wa Bible

(Min. 4) Tok 12:1-20 (th wekelo 5)

YASHA L’OLIMU W’ESAMBISHELO

4. Woho wa ntatɛ sawo l’onto

(Min. 2) ESAMBISHELO KA LO LUUDU LA LUUDU. (lmd wekelo 1 dui di’ohomba 4)

5. Woho wa ntatɛ sawo l’onto

(Min. 3) ESAMBISHELO KA LO LUUDU LA LUUDU. Lɔmba ompokami dia mbeka la nde Bible. (lmd wekelo 5 dui di’ohomba 4)

6. Wesa nsaki kɛnyisha onto

(Min. 3) ESAMBISHELO KA LO TSHAKITUDI. Ɛnya onto lele l’ana sitɛ kaso k’Ɛtɛrnɛtɛ. (lmd wekelo 9 dui di’ohomba 3)

7. Lembetshiya dietawɔ diayɛ

(Min. 3) Wɛnyɛlɔ. Ijwfq-F sawo 3—Ɔtɛ a dui: Onde wɛ mbetawɔka di’ekɔ paka Ɔtɛmwɛlɔ ɔtɔi wa mɛtɛ? (lmd wekelo 4 dui di’ohomba 3)

LƆSƐNƆ L’OKRISTO

8. Woho wa ndɔshana l’ekakatanu wendana l’ekondjelo l’ekimanyelo ka Jehowa

(Min. 15) Ɔkɛtshanyelo.

Onde wɛ ekɔ lo ndjakiyanya dia ntana olimu, nshisha olimu kana ɔnɛ wɛ hatonga l’akoka wa nkondja falanga yayokokimanyiya oma ko kakianɛ kana etena kayoyotshunda osombe? L’andja ɔnɛ, awui wendana l’ekondjelo wekɔ lo tatshikitana. Koko, Jehowa toshikikɛka dia naka sho mbeetsha lo dihole dia ntondo, kete nde ayotetemala tokotshɛ ehomba aso oyadi kaanga taya bu l’akoka wa nkondja falanga efula.—Os 46:1-3; 127:2; Mat 6:31-33.

Osato w’oma vidɛo yele l’ɔtɛ a dui ɔnɛ: “Ndooko lushi lakatokalɛ Jɛhowa.” Ɔnangɛso Alvarado okime wadɛnde lo lonya etena kasalawɔ dɔmbɛlɔ la nkumbo kande.

Ɛnya VIDƐO yele l’ɔtɛ a dui ɔnɛ: Ndooko lushi lakatokalɛ Jɛhowa. Oma laasɔ, oka ampokami dimbola nɛ:

Wetshelo akɔna wamboyokondja oma le ɔnangɛso Alvarado?

Okadimwelo ayɛ

Adia 1 Timɔte 5:8. Oma laasɔ, oka ampokami dimbola nɛ:

Ngande wakeketsha divɛsa nɛ mbetawɔ kayɛ k’ɔnɛ Jehowa ayotetemala nkotsha ehomba w’atɛmɔdi ande?

Okadimwelo ayɛ

Enda atɔndɔ amɔtshi wa lo Bible wakoka kokimanyiya dia ntondoya ekakatanu wendana l’ekondjelo:

Onga la lɔsɛnɔ l’ɔsɛlɛngɛ. Ewɔ abasa ndo nkitshakitsha adepasɛ.—Mat 6:22
Ɔsa tɛdikɔ lo kɛnɛ kendana l’olimu ndo kalasa yahombayɛ mbɔtɔ yayokosha diaaso dia mbetsha wahɔ wa Diolelo lo dihole dia ntondo.—Flp 1:9-11
Onga l’okitshakitsha ndo yaɔtɔnganyiya l’akambo. Naka wɛ amboshisha olimu, onga suke dia nkamba weho w’elimu ekina tshɛ, kaanga tolimulimu tatotshitshɛ takoka kokimanyiya dia nkotsha ehomba w’ase nkumbo kayɛ.—Tok 14:23
Onga suke dia nkahana l’anto akina kɛnɛ kele la yɛ, oyadi yema tshitshɛ kele la yɛ.—Hɛb 13:16

9. Wekelo wa Bible wa l’etshumanelo

(Min. 30) bt tshap. 26 od. 1-8, kiombo ya lo lk. 204, 208