Vɔ Wekɔ lo Ndesha Lemba l’Ɛkɔkɔ wa Nzambi lo Kâmɛ
Amɔtshi ndjambolaka vɔate: ‘Woho akɔna walɔmbwama etshumanelo ka l’andja w’otondo k’Ɛmɛnyi wa Jehowa na?’ Sho tambokadimola shate: Okongelo w’ɛlɔmbwɛlɔ kakɔ kekɔ lo ndjela ɛnyɛlɔ kakatshike etshumanelo k’Akristo wa l’eleko ka ntondo.
L’ɛnɔnyi 1870, Charles T. Russell la asekande wakɔshi tɛdikɔ dia pandjola etombelo w’oma l’oyangelo la wekelo awɔ wa Bible l’ekimanyielo k’alako la k’abuku. Lo wodja akɔ, wanɛ wakayasɔhanya l’olimu ɔsɔ wakɔsaka Russell la asekande oko olui ɔmɔtshi w’anto wambohokɔ awui efula l’olimu wa Nkumadiondjo, anto anɛ wakawakokaka nɔmba alako lo kɛnɛ k’endana l’elimu awɔ.
Lo 1884, la Zion’s Watch Tower Tract Society akakongɛma lo ndjela ɛlɛmbɛ wa Commonwealth mbut’ate: atshunda wa wedja wokakatanyi la Grande-Bretagne wele lo Pensylvanie. Russell l’asekande wakakimanɛ lande wakayasha l’etondo awɔ tshɛ dia nɔmbɔla tshunda sɔ ndo dia nɔmbɔla elimu waki Ambeki wa Bible. Lo 1909, vɔ wakasɛkɔla mbalasa kawɔ ka woke otsha la Brooklyn, New York. L’edja k’ɛnɔnyi, ɛnɔmbɔdi wa la Société Watch Tower l’anto akina wakakambaka kâmɛ lɔkɔ wele l’akoka wa lo nyuma w’ɛlɔlɔ ndo wokitami wakakenge olui walɔmbɔla waki Ɛmɛnyi wa Jehowa.
Olui ɔsɔ Walɔmbɔla kongɛma l’olui w’Akristo w’akitami (11 lo 1993), esambele a l’atei awɔ mbele lo tshunda di’ɔlɔmbwɛlɔ wa la Société Watch Tower. Vɔ mbalɔmbɔla elimu wa l’andja w’otondo waki Ɛmɛnyi wa Jehowa. Oko wele Nzambi hawasambiyɛ akambo, omalɔkɔ, vɔ ndjokesamaka; koko, vɔ ndjaɛkɛka lo Dui dia Nzambi diahate kashi, lowandji la lâdiko la lo kɛtɛ, ndo vɔ wambohokɔ awui efula lo lɔsɛnɔ l’okitanyiya lo lolango la Nzambi. Ɔmɔmɔ a l’atei awɔ ambosala yɛdikɔ y’ɛnɔnyi ɛmɔtshi 50 kana ndekana l’olimu wa tena ndo lo tena kâmɛ l’Ɛmɛnyi wa Jehowa.
Olui Walɔmbɔla mbalɔmbɔla ofundelo w’ekanda waki la Société. Awui wafundama nemanɛka l’ehomba wa lo nyuma waki lemba l’ɛkɔkɔ, ndo ekanda ɛsɔ tomba oma lo wekelo wa Dui dia Nzambi tshɛ ndo oma l’eyangelo wakasalema l’alɔmbɛlɔ. Oko wele anto asɔ mbekaka Bible la tshete, ndjelaka okotshamelo wa yema yema w’asangwelo wa Nzambi suke suke, okotshamelo wa pɔlɔfɛsi l’akambo wasalema l’andja ɔnɛ ndo kongamu yele la wodja wa Nzambi l’andja ɔnɛ, vɔ pombaka sala etshikitanelo ɛmɔtshi wahotola eokelo ka wetshelo ɛmɔtshi. Ɔsɔku mbatafulanɛ ewo ka mɛtɛ.—Osambu 97:11; Tokedi 4:18; Danyele 12:4.
L’ɔmɔmɔ wa mbalasa 100 ya l’andja, Olui Walɔmbɔla akakitsha kɔmite kɛmɔtshi kokengami l’anto asato kana ndekana wele l’akoka wa lo nyuma, ndo nde mbashaka ɔkɛndɛ wa nɔmbɔla elimu wasalema lo wedja olekanyi 200 la asɛnga. Mbalasa mbɔtɔnganɛka la tshumanelo oma l’ɛlɔmbwɛlɔ kawɔ. Olui Walɔmbɔla wekɔ la diɔtɔnganelo dia mâma la Kɔmite ka lo Mbalasa, ndo anto wa l’Olui ɔsɔ Walɔmbɔla membolaka mbalasa efula ɔnɔnyi tshɛ dia vɔ mbeya eongelo kele lo mbalasa la mbalasa.
Anto asɔ hawahemɛ mbetawɔ y’anyawɔ, vɔ wekɔ ekambi wakamba la wolo dia akina mbeka dia mbeya Dui dia Nzambi. Vɔ hawoyange difuto, koko vɔ kondjaka ehomba awɔ a lo lɔsɛnɔ yoho yakɔ yâmɛ yakondja ase nkumbo ka lo Bɛtɛlɛ. Mɛtɛ vɔ wekɔ lo kamba la kɔlamelo, dui sɔ mɛnamaka oma l’ohetoheto, oma lo kâmɛ, oma lo lɔkɛwɔ la pudipudi la lâdiko ndo oma lo woho wamamemawɔ wetshelo wa lo Bible oko adisala Ɛmɛnyi wa Jehowa wa l’andja w’otondo.—1 Koreto 3:5-9; 4:1, 2; 2 Kore- to 1:24; 3:1-3; 1 Petero 5:2, 3.
• Woho akɔna walɔmbwama etshumanelo k’Ɛmɛnyi wa Jehowa na?
• Wâ na akɔna wakenga Olui Walɔmbɔla ɛlɔ kɛnɛ, ndo naa ɛkɛndɛ wele lawɔ na?
• Woho akɔna walɔmbwama olimu lo wedja ekina na?
[Kartɛ ka lo lɛkɛ 26]
(Dia mbeya awui tshɛ enda l’okanda)
Ɛmɛnyi wa Jehowa wekɔ lo sala lolango la Nzambi lo bɛtshi dia kɛtɛ nɛ
[Esato wa lo lɛkɛ 26]
Ɛnɔmbɔdi wa la Société Watch Tower
C. T. Russell, 1884-1916
J. F. Rutherford, 1917-1942
N. H. Knorr, 1942-1977
F. W. Franz, 1977-1992
[Esato wa lo lɛkɛ 27]
Atɔi amɔtshi a l’atei a mbalasa mɔtshi 100 yalɔmbɔla elimu wa l’andja w’otondo waki Ɛmɛnyi wa Jehowa
Canada
Zambie
Allemagne
Japon
Australie
Brésil