Wekelo 16

Ɔsa Yɛdikɔ dia Kambela Nzambi

Kakɔna kahombayɛ sala dia monga ɔngɛnyi wa Nzambi? (1, 2)

Woho akɔna wakokayɛ ndjakimɔ le Nzambi? (1)

Etena kakɔna kahombayɛ batizama? (2)

Woho akɔna wakokayɛ kondja wolo dia wɛ tshikala la kɔlamelo le Nzambi? (3)

1. Dia ndjâla ɔngɛnyi wa Nzambi, wɛ pombaka kondja ewo k’ɔlɔlɔ ka mɛtɛ ka lo Bible (1 Timote 2:3, 4), monga la mbetawɔ l’akambo wakayeke (Heberu 11:6), ndjatshumuya lo pɛkato yayɛ (Etsha 17:30, 31), ndo mboka yoho yayɛ ya lɔsɛnɔ la ntondo ɔkɔngɔ. (Etsha 3:19) Ko l’ɔkɔngɔ diko, ngandji kokayɛ Nzambi kayokosokoya dia wɛ ndjakimɔ le nde. Mbuta ate, wɛ pombaka mbotɛ wɛmɛ lo dɔmbɛlɔ dia woshɛshɛ ɔnɛ wɛ amboyakimɔ le nde dia sala lolango lande.​—Mateu 16:24; 22:37.

2. L’ɔkɔngɔ wa wɛ ndjakimɔ le Nzambi, wɛ pombaka batizama. (Mateu 28:19, 20) Batismu mɛnyaka anto tshɛ ɔnɛ wɛ amboyakimɔ le Jehowa. Omalɔkɔ, vɔ batizaka paka anto wambokeketala ndo wambokoka mbɔsa yɛdikɔ ya kambɛ Nzambi. Lam’abatizama onto, nde pombaka dindjama tshanda la tshondo tshɛ l’ashi.a​—Mako 1:​9, 10; Etsha 8:36.

3. L’ɔkɔngɔ a wɛ ndjâkimɔ, Jehowa ayolongamɛ ɔnɛ wɛ ayokotsha dɔkɔlɔkɔ diayɛ. (Osambu 50:14; Undaki 5:4, 5) Diabolo ayohemba koshimba di’aha wɛ kambɛ Jehowa. (1 Petero 5:8) Koko, yasukanya le Nzambi lo dɔmbɛlɔ. (Filipi 4:6, 7) Ekaka Dui diande lushi tshɛ. (Osambu 1:1-3) Tokakitɔnake l’etshumanelo. (Heberu 13:17) Naka wɛ ayosala akambo asɔ tshɛ, kete wɛ ayokondja wolo wa tshikala la kɔlamelo le Nzambi. Ɔnkɔsɔ mbayoyokoka ntsha kɛnɛ tshɛ kakɔlɔmba Nzambi pondjo pondjo!

[Notɛ ka l’ɛsɛ ka dikatshi]