Wekelo 8

Waa na wele atunyi wa Nzambi?

Satana Diabolo mbele otunyi wa Nzambi woleki tshɛ. Nde ekɔ etongami ka lo nyuma kakatɔmbɔkwɛ Jehowa. Satana ekɔ lo tetemala ndɔsha Jehowa ndo ekɔ lo soya anto heyama. Satana ekɔ kɔlɔ. Nde ekɔ kanga kashi ndo ondjakanyi.—Joani 8:44.

Ditongami dikina dia lo nyuma wakayele lokolo la Satana ko wakatɔmbɔkwɛ Nzambi. Bible mbaelɛka ɔnɛ ɛdiɛngɛ. Oko Satana, ɛdiɛngɛ wekɔ atunyi w’anto. Vɔ nangaka sɔkisha anto. (Mateu 9:32, 33; 12:22) Jehowa ayolanya Satana l’ɛdiɛngɛ ande lo pondjo. Etena ka mondo keto mambâtshikalɛ dia vɔ sɔkisha anto.—Enyelo 12:12.

Naka wɛ nangaka monga ɔngɛnyi wa Nzambi, kete tosalake kɛnɛ kalanga Satana wɛ ntsha. Satana l’ɛdiɛngɛ ande petshaka Jehowa. Vɔ wekɔ atunyi wa Nzambi, ndo vɔ nangaka kokonya otunyi wa Nzambi. Wɛ la dia sɔna ɔnɛ lalangayɛ ngɛnyangɛnyaka: Satana kana Jehowa. Naka wɛ nangaka lɔsɛnɔ la pondjo, kete wɛ la dia salaka lolango la Nzambi. Satana ekɔ la toho efula tanganyiyande anto. Nde kesaka anto efula.—Enyelo 12:9.